حلو الحزن
 

حلو الحزن لاصار لعيون الاحباب
أحـلـى من الفرحـه بليّـا حبآيب

الـقلـب لا منّه ذكـر غآليٍ غـآب
يحـن لجــروح بهــا كان طآيب

كنّا أنا والروح في عالم اغراب
وكانوا يقولـون المحبه عجايب

إلين حلّ بخافقي سهمها وصآب
و آنا وحـزن الكـون كله قـرآيب

الحب ذوّقنـا عـذآبـآت و اسبـاب
و بـه التقينـا من عـلايلـه نـآيب

والهجر جبنا له مواويل وعتاب
مكتـوب للـخلآن مـن قلـب ذايب

واصدق دموع غارقه بين الاهداب
دمعــة لقـا العشّـاق لا عــاد غايب

يقوله اللي من جروح الهوى طآب
ليتـه يعــود الحب لـو بــه مصآيب

صح لسانك
شاعرنا
وبيض الله وجهك

الصقري
صح الله لسانك ملايين شاعرنا
مبدع وجزل وشهادتي فيك مجروحه
دمت ودام مداد قلمك ورقي حرفك
تقديري لسموك
النجلاء

الله الله
عبدالله الصقري
صح لسانك واعتلا شانك
مبدع وجزل كما عهدناك شاعرنا
سجل اعجابي وتقديري
ولك اجمل تحيه

صح لسانك ولا هنت شاعرنا
يعطيك العافية

واصدق دموع غارقه بين الاهداب
دمعــة لقـا العشّـاق لا عــاد غايب


رووووووعه
أبدعت عبدالله الصقري
صح لسآنك مليوون ولا يكفوون
ويعطيك العآآفيه على هالرآآئعه

مبدع شاعرنا صح لسانك مدد ولاهنت

صحت ابدانكم و سلمت قلوبكم

و صبَّحكم الله بالف خير و عافيه

دمتم بكل خير و محبه

ولم ودي و تقديري و احترامي