مصوّر دلالوه مقلّط لوه ضيوف=و مصوّر الغوري و حتى الغضاره
هو مقصدوه يا ناس ياللي تبي تشوف=تراني سنافي و راعي نعاره
المرجله ماهي دلالً على رفوف=ولاهي بكثر المال و لّا التجاره
المرجله تبغي لها قرم ملهوف=على المصاعب فيه جيد و جساره
يزبّن الجاني ولا همّه الخوف=يحشم قصيره ما طفت يوم ناره
الموت ماهمّه غدى شي مألوف=من كثر ماذاق الشقى و المراره
ماهمّه الجوال ما يكثر حلوف=ولا يحَسْب حساب ربح و خساره
يعطي ولا يرجي ورا الناس معروف=عطا يمينه مادرت به يساره
ما يلتفت في هرج عاذل و ملقوف=قرمً تحلّى با الأدب في وقاره
ليا حضر قلنا هلا حي هالشوف=يكفيه عن هرج العرب بس إشاره
قلته وانا بنت ً لـ أهل عز و سيوف=حنا هل الطالات وأهل الأماره

قلته وانا بنت ً لـ أهل عز و سيوف حنا هل الطالات وأهل الأماره

المرجله تبغي لها قرم ملهوف على المصاعب فيه جيد و جساره

ماشاء الله لاقوة إلا بالله قصيدة جزلة ورائعة
وحتى كتابة النص طغت عليه اللهجة الشمالية
صح لسانك ياشاعرتنا مدد بلاعدد!

المشاركة الأصلية كتبت بواسطة النايله (المشاركة 552096) ‏ مصوّر دلالوه مقلّط لوه ضيوف=و مصوّر الغوري و حتى الغضاره هو مقصدوه يا ناس ياللي تبي تشوف=تراني سنافي و راعي نعاره المرجله ماهي دلالً على رفوف=ولاهي بكثر المال و لّا التجاره المرجله تبغي لها قرم ملهوف=على المصاعب فيه جيد و جساره يزبّن الجاني ولا همّه الخوف=يحشم قصيره ما طفت يوم ناره الموت ماهمّه غدى شي مألوف=من كثر ماذاق الشقى و المراره ماهمّه الجوال ما يكثر حلوف=ولا يحَسْب حساب ربح و خساره يعطي ولا يرجي ورا الناس معروف=عطا يمينه مادرت به يساره ما يلتفت في هرج عاذل و ملقوف=قرمً تحلّى با الأدب في وقاره ليا حضر قلنا هلا حي هالشوف=يكفيه عن هرج العرب بس إشاره قلته وانا بنت ً لـ أهل عز و سيوف=حنا هل الطالات وأهل الأماره النايله