الا يا وجودي وجد من طاوله همه
 

الا يا وجودي وجد من طاوله همه
يسامر نجوم الليل وجاوب الورقا

تمره ظروفٍ قاسيه فورة دمه
مع الهجر والحرمان والبعد والفرقا

سوات اليتيم اللي فقد جدته وامه
بعد موت ابوه الفاجعه تحرقه حرقا

تبهذل من الوجدان والمشكله عمه
يصدق عجوزٍ كنها الفاطر الزرقا

تلوعه بهرجٍ كنه الشوب ويسمه
كثير الكلام اللوذعي يسرقه سرقا

سرق حاله التعذيب والعم ماضمه
يصلي مع العرماس لاعصبت شرقا

تهيمن على شرواه في حضرة اللمه
وتمرق من التهمه بعد هانته مرقا

عيد بجاد ابن شده

صح لسانك ملايين
قصيده جميله وجزله
من شاعر جزل ومبدع
يعطيك العافيه شاعرنا
تستاهل التميز
تقديري لك
مهرة يام

المهره لاهنتي وصح الله بدنك من كل شر

صح لسانك

شاعرنا وبيض الله وجهك

تقديري لسموك

الله الله
عيد بن شده
صح لسانك واعتلا شانك
نص جميل وابداع غير مستغرب
سجل اعجابي وتقديري
ولك اجمل تحيه

يا سلام عليك
صح لسانك واعتلا شانك
قصيدة روعة ابدعت شاعرنا
يعطيك العافية
تحيتي وردية

صح الله لسانك ملايين يابن شده
مبدع وجزل وشهادتي فيك مجروحه شاعرنا
دمت ودام مداد قلمك ورقي حرفك الشامخ
تقديري لسموك
النجلاء

صح لسانك شاعرنا
نص جزل ورائع
تحياتي