شبكة رواسي نجد الأدبية - قصيده مناشده في النظر في اوضاع قبيله النواصر

شبكة رواسي نجد الأدبية (https://www.r111n.com/index.php)

- تاج القصيد (https://www.r111n.com/forumdisplay.php?f=5)

قصيده مناشده في النظر في اوضاع قبيله النواصر

قصيده وهي عبارة عن
مناشده الى الملك سلمان بن عبدالعزيز
في النظر في اوضاع قبيلة النواصره
من الحويطات والذين يسكنون* في شمال المملكه
العربيه السعوديه ولا يحملون الجنسيه السعوديه
والقصيده قام بإنشادها المنشد / طلال الحويطي
والشيله موجوده في جوالي لكن الحقيقه
ماني عارف كيف ارفعها ونزلها للمنتدى
يا ليت اللي يعرف يعلمنا
على طريقه رفع الشيله في المنتدى..

يا خادم اغلى وطن ومحب لترابه
باسم النواصر اليك انصعد الازمه.
الظلم محدن على .. إنسان يرضابه
وانت الشعب في ذراك تشيل له همه
العائله في شقى والكبد منصابه
وجدي عليهم مثل طفلن فقد امه
والوضع لو تنشد وتبحث عن اسبابه
تلقى فتجنيسهم ما يكشف الغمه
ما بين طفلن يون وأم مرتابه*
العود يشكي ويمسح دمعه ابكمه
*يبكي الم والدمع من رمش اهدابه
والآه مما يعاني تجري ابدمه
والام فيها المرض كشر عن انيابه
والطفل ينشد عسى ما شر يا يمه
والعود عاجز يعالجها على احسابه
متى على الله يرى بعيونها النعمه
واللي غدت دنيته تلعب بإعصابه*
يا دوب يا سيدي* يلقى لهم* لقمه
سؤالهم سيدي يحتاج لاجابه
فيك الامل نعقده يا قايد الامه

بقلم / علي آل حسن العلوي

قصيده رائعه
علي أل حسن العلوي
تسلم على روعة الابيات المميزه
مشكور

صح لسانك ملايييييييييييييييين
يعطيك العافية شاعرنا

الشاعر علي العلوي

صح لسانك مليووووون

ويعطيك العافيه على هالرآئعه

حسين العلوي
صح الله لسانك ملايين شاعرنا
ابدعت وامتعت نص جميل وجزل يحاكي واقع معاناه
وان شاء الله يوصل صوتك وتلاقي صدى في القريب العاجل
دمت ودام مداد قلمك ورقي حرفك
تقديري لسموك
النجلاء

حسين العلوي
صح لسانك واعتلا شانك
مبدع وجزل كما عهدناك شاعرنا
سجل اعجابي وتقديري
ولك. اجمل تحيه

صح لسانك شاعرنا ولافض فوك والله يحل مشكلهم
وبيض الله وجهك

صح لسانك مليوووون على هاالرائعه
ودام ابداعك وتميزك
إن شاء الله يوصل صوتك وتتسير امورهم ..

نزلها على اللاب ومنه وارفعها على مركز تحميل