شبكة رواسي نجد الأدبية - امس العصر لاهل الموده تعنيت

شبكة رواسي نجد الأدبية (https://www.r111n.com/index.php)

- نصوص شعريه وخواطر من ذائقتكم (https://www.r111n.com/forumdisplay.php?f=87)

- - امس العصر لاهل الموده تعنيت (https://www.r111n.com/showthread.php?t=37280)

امس العصر لاهل الموده تعنيت

امس العصر لهل الموده تعنيت

*مشتاق اعرف الحب شنو ختامه

وقفت في باب الموده وطقيت

وقلت افتحوا عاشق بيشكي غرامه

قالوا تفضل مرحبا بك وحييت

*حنا نعرف المشتقى من كلا مه

قلت افزعوا لي يوم انا صوبكم جيت

شوفوا دموعي فوق خدي علامه

قالوا شفيك شقصتك ليش ونيت

قلت الهوى حط بضميري وسا مه

قالوا خلصت من الهوى قلت مليت

مليت هجر صويحبي مع خصامه

قالوا علامك ليش منه تو1ذيت

علمنا عن خلك وقول واشعلامك

قلت ابتعد عني وناله تمنيت

واصبح بخيل الزين حتى بسلامه

قالوا ترجه قلت والله ترجيت

*لكن مرامي ما يطابق مرامه

قالوا تخاف انك عليها تجنيت

اما جرحته او جرحت الكرامه

قلت ابد والله ما بعمري تعديت

*مخلص لخلي صاين له مقا مه

قالوا غرير في هوى البيض دشيت

*مسكين قلبك ياحياة الندا مه

قلت الله اقوى بطيحتي ما تسا ويت

مدام عهد الحب قل احترامه

يا ليتني لهل الهوى ما تعنيت

ولا عرفت الشوق شنهو ختا مه

طلال السعيد

ابيات رائعه
المهره يسلمو على الاختيار الرائع
مشكوره

صح ذوقكِ ونقلكِ لاهنتي مهوره .

المهره الاصيله
سلمت يداك ودام تواجدك
طرح جميل وراقي
كرقي حضورك
لاهنتي

ابيات جميلة ورااااقية
يعطيك العافية غلاي

صح لسان الشاعر المبدع طلال السعيد

ويعطيك العافيه مهوره

على الاختيار والنقل المميز

يعطيكِ العافيه

يعطيك العافيه خيال ع رفع الموضوع
مهوره
يسلم ذوقك الراقي
انتقاء جميل
تقديري لك
النجلاء