![]() |
# ابيات
تدري وش اللي كان أصعب من الجرح
كتمان جرحي وأنت تسأل علامي سلمت لك روحي وشيدت لك صرح وحطيت صدري شارةٍ لسهامي -- رسايل الليل شفها في ملفاتي رسايل من صميم الجرح مبناها حفظتها لجل تحكي لك معناتي عشان لو غبت عنك بيوم تقراها -- تراكمت فيني مع الوقت والاوجاع وشرع لها الخذلان باب المحاني طعناتك اللي ترتكي بين الاضلاع خيبة أمل تذبح صدوق المعاني -- بصارحك .. مدري تحس وتقدر عايش صراع بداخلي ماله .. اسباب ابيك واخشى من عتابٍ يكدر واخاف منك .. وحاسب لغدرك حساب -- ملعون ابو هالشعور اللي .. فتح بابه احيان احس انفصام .. بداخلي قاسي منك الكلام اكرهه .. وضيق بسبابه حتى ولو قلت احبك .. تقطع انفاسي -- الخوف زعزع ثورة الحب فيني خايف ولا لي غير صبري وسيله ضايع ودور بسمتي في سنيني والعمر واحد .. ما يجينا بديله -- نتعب علي اللي يستحق المواقيف الوافي اللي يستحقه .. وفانا خل العتاب وخل عنك السواليف ما جاء من دروس الليالي كفانا -- شوف المجامل معك لوين وداني خسرت نفسي قبل لا خسرك وبقالك خلاص روح وسير الدرب وحداني ضيعت قيمة غلاك بسبة اهمالك -- ذوق الفراق وعذاب الجرح تطهيره هذا جزاك وقسى قلبي من اسبابك خلاص انهى الكلام وفضها سيره ما عاد للشوق طاري ريح اركابك -- خلني بحالي وابد لا تنشغل فيني مدام قلبي عرفك وعارف اسرارك ارجوك من سيرة الاشواق تعفيني خل السوالف على وشلونك اخبارك -- خلاص انتهى عمر الغلا وانتهى الملواح تشوف الجفا في لوحة الكف وعيونه غدى ديركم عقب البطى في سمها وراح كفخ بالجناح وراح ما عاد تلقونه |
الله عليك يانايف
صح لسانك مليون يالمبدع مروري وتقديري لاهنت |
صح الله لسانك يانايف
مقتطفات لم تكتمل في قمة الروعه مبدع وجزل شاعرنا وشهادتي فيك مجروحه دمت ودام مداد قلمك ورقي حرفك الشامخ تقديري لسموك النجلاء |
صح لسانك يالامير
وبيض الله وجهك |
الشاعر القدير
نايف خويتم ابدااااع الله لايضرك صح السانك واعتلا شانك تقديري لك واحترامي |
الله عليك صح لسانك ملاييييييييين نص راقي وجميل يسلم نبضك |
أبيآآآت رآآآئعه جدااا
صح لسآنك اخوي نآيف ويعطيك العافيه |
روعة الحرف تعانق سمو المعنى
لتستلهم من جمال الكلمه قصة ابداع صح لسانك مليون ولا يكفون تشرفت بقرائتي لقصيدتك الرائعه وبيض الله وجهك على اتحافك الجزل تحياتي وتقديري لشخصك الكريم |
الساعة الآن 08:59 AM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir