شبكة رواسي نجد الأدبية - سكر الهوى ما هو بحب السكارى

شبكة رواسي نجد الأدبية (https://www.r111n.com/index.php)

- تاج القصيد (https://www.r111n.com/forumdisplay.php?f=5)

- - سكر الهوى ما هو بحب السكارى (https://www.r111n.com/showthread.php?t=34937)

سكر الهوى ما هو بحب السكارى

على طلب من لاجله الصوت مسموع
جتني هواجيسي بليلي توارى
مدري عن الانظار هجسي له اسبوع
وده يترجم ما بقلب الحيارى
لين اكتمل عقد الجواهر لي بطوع
مثايل تطرب سموع السهارى
سلام يا االلي لك حشا الصدر مزروع
فيضة غلا تدوج وسطه حبارى
سلام لو شوفك مثل حبة الكوع
سلام لو دونك اسود ونمارا
سلام واصل الشوق لو كان مطبوع
كان انطبع لك وانت فيه اتمارى
يا الفاتنه طوعت قافي على اوع
من زود ما لازمت راس السمارا
اللي بها ليلي كما ليل موجوع
اضناه سقمه لين زاد احمرارا
خطر علي اشبه الكوع بالبوع
ماني قليل عرف مير اظطرارا
ليلي طويل وباقي بالحشا جوع
للي لها كل المشاعر تبارى
من كثر ما ارغبها غدت شي ممنوع
سكر الهوى ما هو بحب السكارى

الله الله
سجين الرواسي
صح لسانك مليون
نص جزل جزل لا ابعد الحدود
لافظ فوك ولا اللجم لسانك
سجل اعجابي وتقديري
يسبقه ختم التميز

/

لله درّك شاعرنا
و
صح الله منطوقك مليوون
على هذه المعزوفة التي ابحرت بنا إليها
قصيدة وافيه جزله
لاهنت سجين

لقلبك الـــــــودّ

الشاعر القدير
سجين الرواسي

لله درك مااروعها من ابيات رائعه ومميزه
حروفك اروت الذائقه
صحت روحك ورقي نبضك
تقديري لك واحترامي

الله الله عليك سجين
صح لسانك ملاييين
نص راقي برقيك يعطيك العافية
.

صح لسانك يالسجين
كعادتك متألق ورائع
عندما تحضر نصوصك
فهذا يعني القراءة الواحدة
لاتكفي بين جمال ايقاعك
وجمال المضمون حكاية

تقديري لسموك وحرفك الرّاقي

صح الله السانك يا سجين

مبدع من اروع ما قرأت

تحياتي لك