حلّق معي وأطلق خيالك في سماي=هاتك معي نسري على متن الهجوس
وخلك على الشباك وأسبح في فضاي=وأطلق عنانك في هواجيس النفوس
إجلس على يمناي وإقرأ يا مناي=( أربط حزام المقعد أثناء الجلوس )
وهات السوالف وأنت خذ لك كأس شاي=وأهمس بشفة وإلتفت لي بالنعوس
وأنثر أريجك باللحون وبالغناي=وأسكب شعورك وأسقنيها بالهموس
وأرو القصايد خلها تروي ظماي=وأملأ شعوري روح من روح الكؤوس
وليا هبطنا لا تقلي ( باي باي )=أضيع ما بين السرايا والطعوس
تراك معزومٍ بفندق ( هاي هاي )=والحفل يستنى قدومك يالعروس
يا غايتي يسعد مسانا يا غلاي=تفدى قدومك أمسياتي والفلوس
رحلة غرامٍ ساقها هاجس عناي=فوق السحاب وخطها تحت الشموس