شبكة رواسي نجد الأدبية - ياحر جمرٍ في غيابك وطيت

شبكة رواسي نجد الأدبية (https://www.r111n.com/index.php)

- نصوص شعريه وخواطر من ذائقتكم (https://www.r111n.com/forumdisplay.php?f=87)

- - ياحر جمرٍ في غيابك وطيت (https://www.r111n.com/showthread.php?t=33674)

ياحر جمرٍ في غيابك وطيت

كلي وله ليل وشموع وأماني
أسهر على شانك وأنا ماحكيت

جيتك مراكب شوق وين المواني؟
ميت على شوفك وأنا ماشكيت

أنا أحبك إنت ما أحب ثاني
وإنت تداري خاطري ما دريت

اليوم ساعة والدقايق ثواني
رتب مواعيدي متى مابغيت

يا سلوة الخاطر وضحكة زماني
عطني مدى عيونك مدينة وبيت

الله من ليلٍ طويلٍ بلاني
لكن على شاني أحبك سريت

في غيبتك عز القصيد ونساني
ذاب الوله في خاطري وإحتريت

عطني مدى عيونك وأنا في مكاني
أشوف وش سويت بي وش نويت

يا مصحي الأشواق عطني مكاني
ياحر جمرٍ في غيابك وطيت

آخر كلامي وإختصار المعاني
وش حاجتك في قلبيَ اللي خذيت

عطني جناحين وصباح وأغاني
وأجيك مثل الطير لا من دعيت

عطني مدى عيونك وأنا في مكاني
أشوف وش سويت بي وش نويت

طرح جميل ي جميلةة
الله يعطيكِ العافيهـ
تقيييمي

ماشاء الله تبارك الله صح لسانك يالملكيه راقت لي يعطيك العافيه

الملكيه
الله الله عليك
انتقاء ذوووق
يسلم ذوقك الراقي والجميل
مروري وتقديري
لاهنتي

آخر كلامي وإختصار المعاني
وش حاجتك في قلبيَ اللي خذيت

عطني جناحين وصباح وأغاني
وأجيك مثل الطير لا من دعيت

رووووووووعه

يعطيك العافيه الملكيه

على ا الاختيار الرائع

والذائقه المميزه

دمتي مبدعه

روعه انتقاءك ياعسل
يعطيك العافية
.

/

رائعه

متميزة مضمونا ومعنى

سلمت غاليتي وسلم الذوق وصاحبته

ودي يسبق ردي

صح لسانك ولسان شاعرها
ابيات في قمه الجمال والفخامه
يعطيك العافيه
تقبل مروري واحترامي