مشكاي لله من خطا ناعـم العـود=يجـزاك ربـي والخطـا مانـوده
ولجل الوفا وبعزتك بزهـم الجـود=لوكان قلبـي يالغـلا بـاح سـده
جرح الزمن والهرج بالصدر موجود=بس الغلا والطيـب مقـدر اهـده
ايام حدتنـا علـى الجـال بقيـود=همٍ مكن بالجوف وزريـت اصـده
ناسٍ تعرف الطيب وتقول مجحـود=دايم علـى ماتشتهي مستعـده
خلقٍ تمادت بالخطـا مابهـا فـود=تجرح وفي زود الوجـع مستبـده
والمد من عند الولي منبت العـود=ونرجي كريم المـد فـي زود مـده
والطيب له ناسه وانا عندي شهود=نعطي ولا نرجـي المقابـل يـرده
نعطي الوفا حقه بلا قيس وحـدود=نرفا الخطـا ياصاحبـي مـا نعـده
وقلبي عطاك ولا يبي منك مـردود=غير السلامه لو عنا الوقت ضـده
ون قلت انا برحل فلانيب محسـود=وإن كان قلبـي عندكـم بستـرده
معاد ينفع لو بدى الهـرج بركـود= لو قالـو ان الدمـع جـرح بخـده
قلبي غدى كله سنا بـرق ورعـود=دوى بصوته وزعج اللـي بحـده
كرامتي في داخلـي تطلـب الـزود=من الصغر احرص عليهـا بشـده
اموت واحيا ما تعرضـت منقـود=رباني الوالـد علـى سلـم جـده