؛؛؛ لاااموني الناس ؛؛؛
 

الحياة.....
قرارات... يتطلب اتخاذها..شجاعه
وصبر..وقوة اراده...
لن تكون قراراتك مرضيه للجميع..
فإرضائهم.. غاية لا تدرك..!
والمهم
ان تكون آنت راض عنها...

ولكل من لامني..
أكتب.....

لآمـونِـي الـنّاس ....

لآمـونِـي الـنّاس يـوم آعْـلنْت هِـجْرَانِي
مَـحْدن دَرَى بـاللّي قـدْ شـفته وعَـانيته

ذُقْــت الـمَرارَه..وكَاس الـعلْقم أسْـقَانِي
والْـحِين... ودّه يـرجّعْنِي عـلى بـيته !!

لاااا والّذي حطّ فينِي العقْل وآحْياَاانِي
مـارْجَع آعـيش الـعَنَا .. لوْ كنت هَاوِيته

هــذا الـقَرَار إللي رَاودْنِـي مـن أزمَـانِي
مـاهُـو بكـيـفِي ولا هــو إلـلّـي تـمنّيته

مـاعاد لِـي فـي الـهَوَى رغْـبَة ولا شَاني
جـرْحـي يـطيب.. وغـذابِي مـا تِـنَاسيته

يـاهْـل الـمَـلاَمَه..تعبْت آعَـانِق أحْـزَانِي
مـلّـيت عُـمْـرِي ..وحـتّـى الـصّبْر مـلّيته

يـالـيت خـلـي بـعـد مـارحـت يـنـساني
خــلاص درْبِــي بـعـد فـرقـاه ... دلّـيته

" آعِـيـش لامّــي بـهـا الـرّحـمن وصّـانِي
ولـوْكـان بِـيدي وجـعْهاَ الـيوم.. شـلّيته "
؛
ريوف

الله الله
ياسلام عليك ياريووووف مبدعه
قصيده قمه فالروعه والجمال والشفافيه في نفس الوقت .
.وعلى ما قالوا ..الخط واضح من عنوانه ههههههههههه
صح لسانك مليوووون على هالقصيده الرااائعه وتستاهلين عليها ختم تميز
تقبلي مروري وتحياتي وقبلها سجلي اعجابي

ريوف
صح لسانك شاعرتنا العذبه
نص جميل وفاخر بالرغم ممابه من قساوه
سجلي اعجابي وتقديري
ولك اجمل تحيه

ريوووووف
الله عليك يالغلا ابدعت
صح لسانك ولا هنت

مبدعه صح لسانك حتى ترضين

نسأل الله ان يشفي امك ويحفظها لك

بس تعوذي من بليس وارجعي على ابو عيالك .��