|
يا غايبه لو غاب زولك عن الشوف ** ما غاب طيفك عن خيالي دقيقه
(( يا غـايـبـــه )) يا غايبه لو غاب زولك عن الشوف = ما غاب طيفك عن خيالي دقيقه كتبت لك من صادق احساسي حروف = وبخاطري من ضيقة الخِلْق ضيقه الكل منا يالغلا مر بظروف = ذقنا من الصدمات مُرّ الحقيقه واقع مآسي غدر الايام معروف = ماللحزن غير التناسي طريقه تعال انا وياك نروي ضما الجوف = ونزرع من الورد المعتّق حديقه تعال انا لشوفك ولقياك ملهوف = تعال بُعدك ياحبيبي ما اطيقه بين الامل والشوق والياس والخوف = النفس في بحر المشاعر غريقه يا مرهفه نفسي ترا مالها شفوف = في غيرك وغيرك عساه بحريقه |
الله الله الله صح لسانك ي شاعرنا ابيات في قمة الروعه والجزاله ~
ودي وتقديري لبوحك العذب وقلمك الفاخر ~ |
صح لسانك ي محمد
مبدع الله يحفظك تقبل تحياااتي |
الله عليك ي محمد ابدعت صح لسانك حتى ترضى
تحية اعجاب. |
اقتباس:
الله الله ياسلام عليك وصح الله لسانك يالعواد شاعر جزل وشهادتي فيك مجروحه ابدعت وامتعت ولا هنت على النص الفاخر تقديري لسموك النجلاء |
تــعـــال انـــــا ويـــــاك نـــــروي ضــمـــا الـــجـــوف ونـــــــــزرع مـــــــــن الـــــــــورد الــمــعـــتّـــق حـــديـــقــــه تـــعـــال انــــــا لــشــوفــك ولــقــيـــاك مــلــهـــوف تــــعـــــال بُــــعـــــدك يـاحــبــيــبــي مــــــــــا اطـــيـــقــــه بــيــن الامـــــل والــشـــوق والــيـــاس والــخـــوف الـــنـــفـــس فــــــــــي بـــــحـــــر الــمــشـــاعـــر غـــريـــقــــه يـــــا مـرهــفــه نــفــســي تــــــرا مــالــهــا شـــفـــوف فـــــــــي غــــيـــــرك وغـــــيـــــرك عـــــســـــاه بــحــريـــقـــه صح لسانك شاعرنا واعتلى شانك ويعطيك العافيه على هالرااائعه |
صح السانك شاعرنا
ابيات بحق استوقفتني لجمالها ورعة معانيها دام نبضك |
الابداع يالعواد ما فيه شك الا انك اخطيت بالشطر الاخير وش ذنب غيرها تدعي عليه بالحريق هههههههههههه
لاهنت وبيض الله وجهك وصح لسانك مليون |
| الساعة الآن 02:19 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir