|
وين انت يافـيحان
وين انت يافـيحان ماشـفت ماوحيت عـن مهرةٍ عافـت جميع المـشـارب ::::: اقـصا مداهـلها السمـاوه وتـكريت وادنـا مـداهـلها نـوازي عــقـارب ::::: من مربطٍ عند العرب ذايع الصيت منوة هل الطولات عصم الشوارب ::::: عـيو عـلـيها الصاملـين الـزناتـيت اللي لهـم بالكـون فـعـل وتجارب ::::: لوشفتها في معـذر الخـيل صـديت من شان هيبتهم تركت المضارب ::::: قلبي عليها كل ماصبحت وامسيت بين الرجا والياس عـنده تضارب ::::: يالـيـت مـن جـوّد رسنها ويالـيت مني ومنها حـاضريـن الاقـارب ::::: باالسـنّه السمحه عـلى ماتمنـيت وانظم اعقود مـلونات الكهارب ::::: البارحـه بالحـلم شفـته وفـزّيت فـزّة جلاويّن عـن الدار هارب ::::: حرّك ازناد النارمن دون تثبيت مع واحـدٍ بـيـنه وبـيـنه تـقـارب ::::: وثارالسلاح وشتت الفـكرِتشتيت وومت مجاديفه على ضهرقارب ::::: جاه الخبرعن صاحبٍ يحسبه ميت قالـو سـليم وراح عـقـبك يحـارب ::::: جنوبي الخوبه يـدك الطواغـيت الـزمـره اللي لـوّثـو سـد مـارب ::::: مساعد الجليدي |
قلبي عليها كل ماصبحت وامسيت بين الرجا والياس عـنده تضارب . الله عليك مساعد صح لسانك ولا هنت شاعرنا ابيات جميلة بجمال حضورك |
صح لسانك يامساعد
على هالقصيده الرائعه لاهنت تقبل مروري وتحياتي |
ياسلاااااااااااااااااااااااااااام عليك يا مساعد صح لسانك يامبدع اقـصا مداهـلها السمـاوه وتـكريت وادنـا مـداهـلها نـوازي عــقـارب يازين عقارب وذيك الشعاف أجل المهره اللي انت تبي عندنا يامساعد هههههههه |
صح لسانك وبيض الله وجهك
|
صح لسانك ولاهنت ياشاعرنا
أبيات وافيه وجزله تقبل إعجابي وتقديري |
قصيده جزله
وابيات رائعه صح لسانك ويعطيك العافيه على هالرائعه |
الله الله
مساعد الجليدي صح لسانك مليون ولا يسدون ابداع في ابداع ولاهو غريب على شاعرنا صح لسانك ولا هنت يابو ماجد مروري وتقديري |
| الساعة الآن 06:45 AM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir