|
المزون
للتواصل مع تاج القصيد فقط
المزون اللي تحدر ومنشاها سنود=العيون اتخيلها لجل مرت دارها اتخيل في وجيه الطخا وجه العنود=واتطعم حلو منطوقها بامطارها وان فضح براقها ليلها يخز الحسود=المحيا السمح لاطوحت بخمارها وان تزبر مزنها ثم لجت بالرعود=رجف قلبي في ضلوعه لكثر اعذارها وعقب جمعه لانبت عشبها واخضر عود=والفياض من الحيا فتحن ازهارها وهبته نسمه بريحٍ تقوم إله الرقود=يمكن يشابه عبق ما ستره زرارها بجيدها لون الذهب ذاب والعينين سود=خادره والرمش طوله يزيد اخدارها اسم برجٍ فيه عارضتها سعد السعود=وثور اسم برجٍ بنجمه خلص مشوارها |
نص جميل
صح لسانك وعلا شانك بأنتظار جديدك القادم خالص الشكر والتقدير |
الله الله
ياسلام عليك وصح الله لسانك يابو عبيد ابدعت وامتعت كما تعودنا من سموك الابداع والامتاع وفخامة الحضور دمت ودام مداد قلمك ورقي حرفك تقديري لسموك النجلاء |
لله درك ي ابوعبيد
نص راااائع جدآ صح لسانك واعتلى شانك وانا شهادتي فيك مجروحه تحياااتي الك |
الله عليك ناااصر
كلمات ولا اروع صح لسانك شاعرنا ويعطيك العافية . . |
هند العنزي هلا ومرحبا مرورك شرفني وصح بدنك ولاهنتي وسلمتي
|
ارحب يابن سهل وحياك الله وصح بدنك ولاهان راسك وبيض الله وجهك
|
ارحبي يالنجلاء الروعه في مرورك للمتصفح
صح الله بدنك ولاهنتي وبيض الله وجهك |
| الساعة الآن 09:14 AM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir