|
مجاراتي لقصيدة الامير / خالد الفيصل
هاذي مجاراتي لقصيدة .صاحب السمو الملكي الأمير/ خالد الفيصل امير منطقة مكه المكرمه
قصيدة الأمير خالد الفيصل مايحضرني منها الان الا بيتين يقول فيها اسابق الساعه وتسبقني الساعه=تقضي وانا توني بأول ثوانيها أبا اشتري وقت وين أسواق بياعه=يحد الدقيقه عليّ بسعر واشريها وهاذي مجاراتي لها يامل قلبٍ عليل وثوّر اوجاعه=قصيدةٍ خالد الفيصل مسويها بعض القصايد تخل القلب قرقاعه=تلعب باحاسيس كاتبها وقاريها لاحافها الشاعر اللي راهيٍ باعه=قامت تسابق على المعنى قوافيها تجيك تحمل عبير الشعر وابداعه=لابد تشملك في بعض معانيها ليتك توحّى على قلبي بسماعه=كنك على هاجسٍ فالقلب بانيها يامير اخذ حلم قلبي عندك وداعه =غيّب حلوم العنا عن وجه راعيها اما ارمها في قليبٍ مالها قاعه=والا انت يامير حققها وعطنيها مغار ازايم لي احلامٍ على الضاعه=لاتنتحقق ولا ادري وين اوديها عايض العتيبي |
عايض العتيبي
صح لسانك ولسان خالد الفيصل مجاراه فخمه واكثر من رائعه يعطيك الف عافيه تقبل مروري واحترامي دمت بخير |
الله الله
صح لسان صاحب السمو الملكي الامير خالد الفيصل وصح لسان شاعرنا عايض العتيبي مجارراه رائعه وتستحق الاشاده سجل اعجابي وتقديري ولك ختم التميز والتقييم |
صح لسانك ياشاعرنا
ابدعت وامتعت بحضورك الطاغي بالمتعه والفخامه مجارآه جزله دمت بود وتقدير |
الله الله
ياسلام عليك ياعايض وصح الله لسانك ملايين قصيده رائعه تستحق المجاره وابدعت وامتعت بمجاراتك دمت ودام مداد قلنك الفاخر تقديري لك النجلاء |
صح السان الفيصل << عساني فدآ
وصح السآنك يالعتيبي ولآهنتَ على المجآرآه التيَ تفوق الوصفَ جمآلاً وجزآلهَ.. " |
صح لسان الفيصل وصح لسانك مبدع يابو جزاء
|
اقتباس:
المهره الاصيله صح بدنك هذا من ذوقك الله يعطيك العافه اسعدني مرورك لاهنتي تحياتي وتقديري لك |
| الساعة الآن 11:28 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir