شبكة رواسي نجد الأدبية

شبكة رواسي نجد الأدبية (https://www.r111n.com/index.php)

- تاج القصيد (https://www.r111n.com/forumdisplay.php?f=5)

- - طريق المدرسة (https://www.r111n.com/showthread.php?t=28388)

طريق المدرسة

السلام عليكم

المرور الله يسامحهم مسوين تحويلة إتجاه إجباري
ومرينا مدارس خاصة من خلال التحويلة وتوهقت
مع هالقصيدة ههههههههه !!!

طريق المدرسة

وين أنا حظي رماني ، في طريق المدرسة
ماعرفت الدافع ، اللي جاب رجلي من هنا

اعترض ، دربي غزال ٍ جعل ربي ، يحرسه
وحارت أقدامي ، وشفت الموت بعيوني دنا

وطيته من فوق كبدي ماشي ٍ في غطرسه
ايتهصّر ،، لي بقد ٍ ،، يشبه ،، لعود القنا

ورمش عينه كلما ،، سلهم ، بقلبي يغرسه
وحمرة الخد ّ النديّة طاب ليٍ ، منها الجنا

الهواجيس ، أشغلت بالي ، بكثر الهجرسه
مادريت ..!! إني برجلي ساير لدرب الفنا

وأسرعت بكرات دولاب العواطف ممرسه
رجّعتني ...!! لعهدي السالف ، وأيام الونا

من جمال ٍ ألجم الهرج ،، بلساني وأخرسه
وخافق ٍ يكفخ بصدري ، زادني ، همّ وعنا

قال لي ،، ما كل ذيب ٍ شاف صيد ٍ يفرسه
وأنت قل لي ،، يالمتيّم ويش جابك ،، حيّنا

قلت له بأروي المشاعر والنظر منك أترسه
وآتحلّى ،، من وصوف ٍ فيك ، ياكل المنى

وأبا أحلّق ، فوق بحر العين ، مثل النورسه
هايم ٍ ، بين الرموش ، اللي لها ضيّ وسنا

كل خيّال ٍ حسب عسفه ، وترويض افرسه
فيه من هو ،، من يعاني وفيه من هو اهتنا

مرّ من جنبي هنوف ، وقال عشقك معرسه
طبعها ،، دايم تشاكس ،، كل من جاء يمّنا

قمت أدق الصدر حسرة والنواجذ مضرسه
يوم ، حاذاني بكتفه ..!! ساق رجلي إنثنى

قال ، بعد إذنك ،، ترى طابورنا رنّ اجرسه
والحضور بدفتر التوقيع ...!! أظنّه ، فاتنا

تحيتي وتقديري
محمد بن عمار

[/b]

وأبا أحلّق ، فوق بحر العين ، مثل النورسه
هايم ٍ ، بين الرموش ، اللي لها ضيّ وسنا

ياسلام على التصوير الرائع

صح لسانك يابن عمار ياجزل

تتقبل تحيتي

الله الله الله رووووعه صح لساااااانك واعتلا شأنك ..
ابيات في قمة الروووعه ..
تقبل مروري وتقديري ..

ابيات جميلة وقصيدة رائعة

بن عمار صح لسانك واعتلا شانك ودام مداد قلمك الراقي

دمت بكل خير

صح لسانك ياابن عمار
ابيات روعه وجزله
الله لايضرك
بانتظارابداعك الشيق
دمت بخير

قمت أدق الصدر حسرة والنواجذ مضرسه
يوم ، حاذاني بكتفه ..!! ساق رجلي إنثنى

قال ، بعد إذنك ،، ترى طابورنا رنّ اجرسه
والحضور بدفتر التوقيع ...!! أظنّه ، فاتنا

تحيتي وتقديري
محمد بن عمار
الشاعر الرائع والمتيّم /محمد بن عمار
كما عهدتك رائع وماتع أينما مشيت وحليّت
حتى في التحويلات والدروب الضيقة ....
شكرا لك ولمن حفزك على سكب هذه المعاناة
في هذا القالب الشعري ،،

صح لسانك ودامت التحاويل طلما تصادف مثل
هذه الدرر الشاعرية ،،

لك التحية والسلامة ،،

كل خيّال ٍ حسب عسفه ، وترويض افرسه
فيه من هو ،، من يعاني وفيه من هو اهتنا

الله الله الله الله

صح الله احساسك وصح لسانك يامحمد

ابدعت ويسعد صباحات الشعر وصباحاتك ياجزل

شظى

ابن عمار

صح الله لسانك

ابدعت وامتعت بهذه الرائعه الغير مستغربه من شاعرتا

جزل وشهادتي فيك مجروحه ياجريح القصيد

دمت ودام ابداعك ورقي حرفك الفاخر

تقديري لك

النجلاء