ياهلا ياشوق يانور القمر = ياوحيدٍ حط في صدري مقيل
ياغصون الخوخ ياعذق التمر = ياخلية نحل بالحالي تسيل
ياعنب يالوز يالتوت الحمر = كل قولٍ في وصايفها قليل
الشعر لا فلته زان السمر = بدر كامل غارقٍ في وسط ليل
والعيون وساع والخده جمر = والخشم يامقرب السيف الصقيل
والشفايف طعمها مثل الخمر = تسكر الصاحي وتفتر كل حيل
والثنايا لو درا عنها الثمر = مانبت فالغصن لو غصنه ضليل
والغزال الي من الخفه طمر = يشبهك ياراعي الخصر النحيل
والمشفر يالربع ادها وامر = يذبح الرجال لو عزمه طويل
بري حالي لو حصل يمه ممر = يعلم الله ماني برجلٍ بخيل
لروي عطاشه ورغباته امر = يطلب رشاشي وانا بعطيه سيل
شب ناري وحطبي كله سمر = والسمر مايطفيه رش المخيل
عقب شوفه حالي اقفا واندمر = ماتذوق النوم عيني كل ليل
سائلك بالله يالموت الحمر = تلطف بحالي ليا جيتك دخيل

والمشفر يالربع ادهـا وامـر=يذبح الرجال لو عزمه طويـل
بري حالي لو حصل يمه ممر=يعلم الله مانـي برجـلٍ بخيـل
لروي عطاشه ورغباتـه امـر=يطلب رشاشي وانا بعطيه سيل