حسبي عليك الله ياغدر الايام = شق الصدور المرهفات النحايف
دارت رحا الدنيا على عيال قسام = الي خذو بالصبر كل الوصايف
رقو لراس المجد بسيوف وسهام = وصارو مع الموت المحتم ولايف
ابطال غزة منبع لكل مقدام = صاغو رجال" للشهاده لهايف
يمشون درب العز لو كله الغام = وياطون جمر النار مابه حسايف
واليوم ضاق الدار والجار هدام = مات الحوير وافقدوه العطايف
صارت فلسطين الالم ام الايتام = تنثر دموع ودم والشرق شايف
شيخ وعجوز وطفل ماكمل العام = من تحت الانقاظ اظهروهم حتايف
وام" تهل الدمع فقد الضنا سام = راح الولد يالله عليك الخلايف
دق الجرس ياقادة شعوب الاسلام = حدو سيوف" مرهفات" صخايف
نبي نهجد الكفر عباد الاصنام = ولا ظن به مسلم من النصر عايف
انتم تدارون المهونه مية عام = كل" على الكرسي من الحرب خايف
وش فادكم غير المذله وصدام = اكبر دليل ان العمر شي زايف
حاكم ولا فاده كثيرات الاوهام = الحكم لله رب كل الطوايف
نظمتها وادري سواليف واحلام = يقولها نايف من غبون نايف