|
فلسفة شاعرهـ..
اتمنى ان تتقبلو فلسفتي المتواضعه.. بكل رحابة صدر.. آه واكثر العنا والصدر ماهو ملول=وياكثرمااسهرت عيني على شان (الغلا)... آه ياكثر المشاكل وياقل الحلول=والتعب بانت مواريه والصدر إمتلا... كاتمة لي حاجتن لو بأطلعها تهول=غيبها في علم رب السماوات العلا... لاتحاول تاصل لشي ياصعب الوصول=والله لتبطي وأنا أبطي وسري ماأنجلا... والقلوب الها صناديق تحميها العقول=والعقول أنواع وأحجام في روس الملا... ويختلف نوع الصناديق وأنواع القفول=وأسهل الأنواع يفتح لوبكلمة ياهلا... والأوادم في علاقاتها رفض وقبول=شرح مفهوم الرقايق ومفهوم الولا... والأمانه والثقه هي ترى سرالدخول=للسراير في قلوب الأوادم (من)_(إلى)... شي موجز والتفاصيل معناها يطول=والاكل لا زادعن حاجته ماله حلا... فلسفة من شاعرة تفهم اللي هي تقول=عندي من رب البشر موهبة جل وعلا... قبل تحليل الفروع أتعمق بالأصول=غايتي ماأبيحها غير لفجوج الخلا... ياوليفي والسهم في طلوع وفي نزول=والسنين تطول والسوق يرخص ويغلا.. |
صح لسانك مليون العطا
وسلم بوحك وكلك حــُور ! |
العطا صح السانك قصيده رائعه لاعدمنا جديدك العطا تقبلي مروري واعجابي بما خطه قلمك |
آه واكثر العنـا والصـدر ماهـو ملـول=وياكثرمااسهرت عيني على شان (الغلا)... آه ياكثـر المشاكـل ويـاقـل الحـلـول=والتعب بانت مواريه والصـدر إمتـلا... كاتمة لي حاجتـن لـو بأطلعهـا تهـول=غيبها في علم رب السمـاوات العـلا... لاتحاول تاصل لشي ياصعـب الوصـول=والله لتبطي وأنا أبطي وسري ماأنجـلا... الجزاله تجمعها القصيدة مع الشموخ والرقي لاهنتي وصح لسانك وعتلا شأنك وبيض الله وجهك على هذه الشامخه ياشامخه |
العطا
صح لسانك ودام لنا أنهمار أبداعك مبدعه لأبعد الحدود |
العطااا
صح لسانك شاعره متمكنه تحيتي |
فلسفة من شاعرة تفهم اللـي هـي تقـول
عندي من رب البشر موهبة جل وعـلا... العطااا. كفوا والله يابنت الرجال... ابدعتي وامتعتي الصراحة اني من اشد المعجبين في قصيدك منذو مبطي.... ولا يستغرب الابداع من منبع الابداع [[تقديري واحترمي]] |
العطااا صح كينونك وكلك لاتستغرب الجزاله من أهلها دمتي ودام هالبوح بكل قدر وحشيمه |
| الساعة الآن 07:05 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir