أنا ويّاه حبينا بعض من غير ماندري=مشينا درب محفوفه مشاكل كلها واخطار
كذا من غير مانعرف خطانا لوين باتسري=ولا نعرف نهاية حبنا أو أخر المشوار
تعدّينا الخطوط الحمر في مشوارنا بدري=وخالفنا قوانين الهوى نلعب مع الاقدار
تعاهدنا نخوض الحرب حتى نعلن النصري=دخلنا في بحور الحب قررنا بها الإبحار
ولكن للأسف فجأه صدمنا الواقع المري=عرفنا أن وجهتنا بعكس الموج والتيار
عرفنا بعد ماخضنا مسافه داخل البحري=وخيّرنا مابين اثنين نعود او ندخل الأعصار
سألته قلت وش رايك وأيش الحل ياقمري=نواصل فالمسيره او نعاود باتجاه الدار
نظر فيني بنظرة حزن وقال والله انا مدري=تراني احترت في امري وصارت تختلط لفكار
شف اقليبك وش ايقلك وانا ماظن يستجري=يقول ان عنده القدره على نسيان ماقد صار
سألت القلب هل تقدر على بعده مدى الدهري=وتتحمل عواقبها وماينتج من الاضرار
وجاوبني هل استغني عن الأنفاس بالصدري=ابد والله انا مقدر واعلن حالة استنفار
انا حبه انا اهواه انا عمره وهو عمري=انا اشتاق له شوق الصحارى طلة الأمطار
انا حتى حروف اسمه اذا ماحسها تطري=على سمعي احس انها الوحيده تضرب الاوتار
انا من دونه اصبح مثلما طاير بلا وكري=او اني مثل لمبه غاب عنها السلك والتيار
امانه ياعرب لو مالكه بيّاع انا بشري=يثمّن كيف ما يبغا ولا بيهمني لسعار
مدام ان الذي بشريه مثل الكوكب الدري=وقربه جنتي والبعد عنه ياجماعه نار
وياعذّال خلوا عن طريقي بر او بحري=تروا مليت انا من عذلكم فينا ولستهتار
حبيبي هات كفك فوق كفي خلنا نسري=نواصل بالمسيره لي بدينا والله الغفار