لوصار جدك ماورث لك ملايين
 

ماهوب لازم تشتري لـه ضحيّـه

قل له ياجدي جعلك من المناجيـن

والله ماعندي قيمـة البربريـه

عقّبتني للدّيـن ومصـارع البيـن

ومن زين طبعك كاتبٍ لك وصيـه؟

لو أنت ما خذ لك من الخد حوشين

يوم الأراض بلاش وسـط العليـه

إن كان تلقاني من أهل الدكاكيـن

مطنطـخٍ هالحيـن ميـة بمـيـه

لكـن ياجـدي ضحيتـك بعديـن

إن سهـل المولـى ثمنهـا عليـه

حنا بوقتٍ شين وأشين من الشين

فيه الخوي ماعـاد ياثـق خويـه

بندر بن ربيعان


صح لسانك ولاهنت

تقبل مروري

مشكور يابعدي

ههههههههه

بندر

صح لسانك

هههههه


صراحه قصيده فكاهيه جدآ
قد سمعت فيهآ من قبل بس دائما احب اسمعهآ او اقرئهآ

مشكور طال عمرك اخوي