حالتي ما هيب حاله من صدوف الحياه=مات حظي في صِدام الهقاوي بالظنون
انكسر قلبي وهمي على الله مشتكاه=للفرح ما عاد في خاطري طعمٍ ولون
وإن شكيت الحال للأصدقاء ولا العداه=العرب دايم لهذا المثل يتناقلون
ما يحس بحرة الجمر غير اللي وطاه=أو صديقٍ يوم تضطر تآكله الغبون
من غلاتك عنده ومن مواقيفك معاه=ذاك ما غيره يحس بوجعك اليوم كون
واحدٍ مثل الذي صار لك بالضبط جاه=مايبي له سرد شكوى ولاهم يحزنون
من عيونك لا نظر يعرف البير وغطاه=بس ماله قوه وحيل واقدارك تمون