شبكة رواسي نجد الأدبية

شبكة رواسي نجد الأدبية (https://www.r111n.com/index.php)
-   نصوص شعريه وخواطر من ذائقتكم (https://www.r111n.com/forumdisplay.php?f=87)
-   -   إن قلت لك خايف! ترى ماني ضعيف (https://www.r111n.com/showthread.php?t=39181)

نسمة 14-09-2018 12:47 AM

إن قلت لك خايف! ترى ماني ضعيف
 





طال السكوت.. وضاق صدر السواليف
والبال.. من كثر الهواجيس عايف.!

والليل طـال.. وطارق الصبح ماشيف.!!
وأنا..وصمت الحزن..صرنا ولايف.

أسج..مع هجس الطواريق..وأعيف
هجسي..وطاروق الضلوع النحايف.!

تجوع.. سلمى.! وأترك..الكم.. والكيف!
وأقسم..رغيفي بيننا بالنصـايف.؟

أقرأ..وتكتبني..قضيه, وتعريف
وتظمآ. وتشربني ..نحيب, وذرايف!!

صمت الشعور.. |إحساس.. ماله تواصيف
أكبر من حروف الحكي, والوصايف..؟؟

ياسيف كيف أشرح لك الوضع ياسيف؟؟
أقلامنا جفت ورفعت صحايف.!!

كيف أبتدي يامسندي..وأنتهي كيف؟؟
من دون كيف؟ أنا مثل ماأنت شايف.،!

شفني بقايا إنسان والوقت كالسيف.!
وحظي كفيف..! وفرحتي.؟ حلم زايف!

همي بحر..وضلوع صدري..مجاديف
والعمر مركب..بين الأمواج طايف.!

وقلبي وطن..وعروق قلبي تجاويف
للحزن.. وهمومي.! شعووب وطوائف..!

صوعات بقعا ..والقدر ..والصواديف
ورتني أهوال السنين العجايف. ‏

أتبع.."خريف العمر" في رحلة الصيف..!
وأزحف ..على حد السيوف الرهايف..

الليل ..مفتاح السهر والتكاليف.
والصبح ..مفتاح القهر والحسايف.

والصبر.. مفتاح الضلوع المناحيف.!
والحزن ..مفتاح الجروح الرعايف!!

والمصلحه ..مفتاح باب المواقيف .
والواسطه ..مفتاح باب الوظايف ..!!

والفقر..يفتح للوجيه المصاليف.
باب الصلافه و الضعايف ضعايف

إن قلت لك خايف! ترى ماني ضعيف
ولاني شجاع !!إن قلت ماني بخايف؟

ياسيف وش عذر المعازيب للضيف؟
لامنها ضاقت صدور المضايف.!

قل للسوافي . . لوتهب العواصيف .؟
عنها رقينا . . عاليات النوايف..

تسفي وحنا فوق روس المشاريف
في رآس نايف.. والخلايف ..خلايف

وقل للضعوف اللي تحسب المصاريف
حنا ترانا ماحسبنا . . الكلايف.

لوشحت ..يدين الزمان.. المناكيف
نبقى على ..عهد الوفا.. مانزايف

وإن طال.. بال الليل.. قل لـلسواليف
بوح السهر من ضيقه الصدر عايف..


الشاعر / عادل الذيابي






خيال مطير 14-09-2018 05:42 AM

صح لسانك ولسان شاعرها

لاهنتِ يالاميرهه

محمد الغنامي 14-09-2018 02:13 PM

الله عليك صفاء

انتقاء جميل ونقل رائع
صح لسانك ولسان عادل الذيابي
مروري واعجابي
لاهنتي

رحيل 14-09-2018 03:02 PM

صح لسان شاعرها
ويسلم ذوقك الراقي صفاء
لاهنتي

مهرة يام 14-09-2018 04:08 PM

صح لسانك ولسان شاعرها
انتقاء رائع وجميل
لاهنتي يالغلا

شيخـــة الغــيــد 18-09-2018 04:35 AM


//

اختيار راقي
صح لسان شاعرها وسلمت يمين نقلتها

نسمة 10-01-2019 11:40 AM

تترٍآقص آلـ ؤرٍؤد متعطرة برٍؤعة مُرُوركْم
لرٍؤحكمْ أطيب آلـ ؤرٍد ؤأكـآليل آلـ زهرٍ
مُعَطَّرَة برٍقة رٍؤحكمْ

ملكة الرواسي 10-01-2019 01:16 PM

مبدعه غلاي كعادتك
يعطيك العافية


الساعة الآن 03:55 AM بتوقيت السعودية

Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir

Ads Management Version 3.0.1 by Saeed Al-Atwi

هذا الموقع يستخدم منتجات Weblanca.com

new notificatio by 9adq_ala7sas
الشركه المالكه