نقطه . تعجب! حيْرة سؤال مطروح
اهلا بكم جميعا نعود اليكم بهذا النص*
آملا ان يرقى لسمو الذائقه مرّوا ندامه / واذّن بصوت مبحوح ياحادييـن أوجاعنـا ...... لا تعبـتوا يالعابـرين . آهات في غصَّة البوح غبتوا فرح . وبكل حزني حضرتوا هذا المسجـَّى بالشفق. ضي مذبوح كفّـن سناه الليل .. من يوم غبتــوا دمع الشموع ونزفها روح ووضوح أجمل ذنوبه . واكبر الي اقترفـتـوا كنتـم هناة الروح . يوم إن له روح الله .. كم كنتـوا . وكنتـوا . وكنتـوا يالعائديــن : وكنـكم ذنب مصفـوح رحتوا هقاوي وش بقى لو رجعتوا طحتوا منازل والسما ابراج وصروح ياليتها طيحـة مطـر ... يوم طحتـوا اللوم جارح . والعتب حيل مجروح مهما على غصني . بكيتـوا ونحتـوا روحوا. وشلّي جابكم يكفي جـروح محتاج اسامح طيـبتي . لو سمحتـوا نقطه . تعجب! حيْرة سؤال مطروح مابه حيا / أو دم . كيف انجرحتـوا !؟ مع ازكى تحاياي علي القرني * |
لي الفخر ان كنت اول معانق لتلك المترفه الفارهه
لله درك وصح الله لسانك ولا فض فوك تجاوزت كلمة مبدع بس ما اعرف غيرها لاهنت وبيض الله وجهك |
إبداع شاعرنا
صح لسانك مليون ولا يكفون يعطيك العافية ولا هنت |
اقتباس:
ارحب تراحيب المطر والسيل حضورك واشادتك هي الفخر والنيشان للشعر والشاعر لا عدمتك خصوصا وهي من هامة طيب وقامة شعر شامخ ياناصر بيض الله وجهك احترامي وتقديري |
ياهلا والله يالقرني
عودآ حميدآ وصح الله لسانك على هالرائعه دمت ودام مدادقلمك ورقي حرفك الفاخر تقديري وتقييمي وختم التميز لسموك النجلاء |
الله الله
علي القرني صح لسانك واعتلا شانك نص عذب وجميل كماعهدناك مبدع لا اخر الحدود شاعرنا سجل اعجابي وتقديري ولك اجمل تحيه |
لابعد مدى ممتعة
صح لسانك حتى ترضى |
اقتباس:
الله .. كم كنتـوا . وكنتـوا . وكنتـوا && روحوا. وشلّي جابكم يكفي جـروح محتاج اسامح طيـبتي . لو سمحتـوا الله الله الله صح لسانك يـ القرني وتسلم ولاهنت على هـ النص الشااامخ والابدااع بصراحه قرأتها كم مره وارتويت شعر التحايا والتقدير لك شاعرنا على هـ الفااخرهـ,’’ |
الساعة الآن 06:34 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir