٠٠ بيت الاشباح ٠٠
 

في رواسي نجد يامزنة سحابي
هلي همالك على عذب القرااح

دام بوح الحرف معناه اعتزابي
عن سجون الصمت لطلااق السراح

ماذخرت من الجهد دونه صوابي
ولا تركته لين ريح واستراح

غبت وتلاشا كل شي ابغيابي
وجيت ولقيت اللي مظالي ولا راح

جرحي وفرحي وظحكتي واكتئابي
أوردن زرعته للغلا عطر فواح

ريق الضماء يطردمن الهفه سرابي
لا راعد اوحيته ولا بارقه لاح

كف الوله يطرق من الشوق بابي
سكنت من طول الجفاء بيت الاشباح

غنيت من حزني الا وااااااعذابي
لا واااهني اللي من الحب مرتاح

نزفي اللي بين مخلابي ونابي
قبلت سيفه وامتلا صدري رماااح

وهذى انا من بعد طول اغترابي
الليل غاب وعالي النجم ماطاح

صح لسَـــــــــــــــــــــــــــــــــــانك شاعرنا
أبيات جزله
من جزل , وبيض الله وجهك ,,

خيال ~

ابن عبيان
صح الله لسانك ملايين
ابدعت وامتعت ولاهنت شاعرنا
دمت ودام مداد قلمك ورقي حرفك
تقديري وتقييمي وختم التميز لسموك
النجلاء

غنيت من حزني الا وااااااعذابي
لا واااهني اللي من الحب مرتاح

نزفي اللي بين مخلابي ونابي
قبلت سيفه وامتلا صدري رماااح

وهذى انا من بعد طول اغترابي
الليل غاب وعالي النجم ماطاح


قصيده جزله وأبيآت رآئعه
صح لسآنك ابن عبيآن
ويعطيك العآفيه
على هالرآئعه

صح لسانك ولا هنت شاعرنا
نص راقي برقي حضورك

ياسلام ياسلام
صح لسانك مدد ولاهنت

صح لسانك و سلم نبضك ابن عبيان
ومابين عبدالكريم و سعد وديتنا بعيييييييييييييييييد
هههههههههههههههههههههه
يسعدك ربي على النص المتألّق كتألّقك الدايم
تقبّل مروري المتواضع
و لك جل ودي و خالص تقديري و احترامي