ديوان الهواوي
بسم الله
ابدا ديواني وامل ان يكون مكملا لدوواين شعراء رواسي نجد ومعجبا لمن يطلع على محتوياته ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ ابا اجعل لي بصرح الرواسي هنا ديوان=وعسى من يمر يكون معجب بديواني وابا الون وجيه الورق باحسن اللأوان=لعلي موفق عند ما اختار الألواني وابا انقل من الارشيف واللي كتبت الآن=واغلب ما كتيب بذاك لاواحدٍ ثاني صبيح المحيا بدر خمسة عشرلابان==يسبي من يشوفه في هدب رمش واعياني |
يا اهل الكويت
ا ياهل الكويت الله يسعد مساكم=ويجعل لياليكم مسرات وافراح تحية بالطيب تدهن لحاكم=واخص غالينا العزيز ابو جراح عزالله ان القلب يبغى لقاكم=لو شافكم يمكن يهود ويرتاح اهضابنا تشكي تزايد جفاكم=وواد الرشا من هجركم عيشه اتراح والنير لولا البعد يمديه جاكم=وعسعس لديرتكم يطري لمرواح ووسط يبيكم والغرابه تباكم =حتى النضيم ليا اطروا السالفه صاح هضاب القليب دموعها من غلاكم=بالليل تذرفها وتهمل بالاصباح وانا اتفكر وش هو اللي دهاكم=رحنا ضحيه بين سارق ومزاح فينا السبب والا السبايب بلاكم=متى القطيعه يافتى الجود تنزاح ضاقو حبايبكم وفرحو عداكم=ياحيلة الله وين قول النبي راح هل ربكم للفعل هذا دعاكم=وشلون يوم العرض ترجون الارباح اسالكم باللي لدينه هداكم=تراي اخو مخلص ومشفق ونصاح عدوكم لاتتبعونه خطاكم=وابغو رضا اللي مد موسى بالالواح |
صح لسانك يالهواوي انت شاعر كبير بحق نسعد ونتشرف بديوانك استمر عافاك الله |
من ما تقدم
يامن لقلبٍ ليا قلنا سلا رد وبلشيا=وليا دله بالنهار اتعاود همومه مع الليل ليا طراله بعض ما فات صاب الفكر غشيا=عنيد لاشال شيله ما تفيد ابه التعاليل من قو ضربه ضلوعي صابني عليه خشيا=واضيع انا معه باهات وتناهيت وغرابيل ان برين المرمسات من الجروح يبين نشيا=واظنه ادمن على كثر المشاكل والبهاذيل ابا اكتم السر مثل اول لكن السر فشيا=ومسامعي جرحوها الناس من كثر الاقاويل حشت شرايين قلبي هالهموم القشر حشيا=ماعاد اجمع وذاكرتي غشاها ضعف بالحيل ابين اشيا من الضيقات فيني واخفي اشيا=واعض الابهام بسنوني ولا نقد الرجاجيل رباطة الجاش والصمله ومرجلتي تلشيا=ومن اول اظن في نفسي ظنون امست تهاويل والسبه اللي من الخلقه على الوجنات وشيا=تضفي عليه النواعس من هدب عكشٍ مضاليل لو في قماش الحرير الناعم لخده محشيا=تشوف من دمه الزاكي مواري بالمناديل ياعين حرٍ يتلتل برقعه توه وحشيا=والقد غصن الغضا ممطور في روس الغراميل ليا بان خده ضوا برقٍ تلامع وارتهشيا=في مزنةٍ جا لماطرها مع الصفر هماليل والعنق عنق الغزيل شاف ذيره وارتعشيا=والراس ذيل ادهمٍ شعشع امغير امع اول الخيل ان كان زاد الصدود وطول الهجر وطنشيا=ادعو لخوكم تعمه رحمة الله يالمشاكيل |
ماشآء الله بارك الله
مبروووك افتتاح الديوآن شاعرنااا وصح لسانك الى مالا نهايه متابعه للابداع والجزاله. هنااا |
صح لسانك شاعرنا ,
|
صح الله لسانك يابو عبيد
ومبروك انشاء ديوآن الهواوي ومتابعين لكل مايطرحه شاعرنا العلم في ديوانه تقديري لسموك االنجلاء |
لا هنت
متابعه بصمت |
الساعة الآن 11:32 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir