عجزت اعيش !
 

ابيات حبيت اشارك فيها بهالمكان الحلو
بس لاتدققون .

على حطــّة يدين الجرح والتهميـش
زفرت الأمنيات انفـآس واتلآشـت

نعم ما مت لكني عـجزت اعيـش
ومثلي ناس تتـنفـس ولاعـآشت

اناظر للسمـآ اتمنى جنآح وريـش
اسلي نفس من ضيق الوطـى دآشت

بعدك الهم خيّم بي ياعمر الطيـش
بعدك احسب لخطواتي وكم طـآشت

تعبت الناس والزحمات والتشويـش
تلـوّح للفرح يـدي ولا نـآشت !

وحيد امسيت حاصرني الندم والـ ليـش
على سنينٍ مضت لي كنّها انحـآشت

وعزاي اللي يصبرني وعليه آعيـش
عزّة نفس عن كل الردى اتحـآشت

عابـر ..

صح السانك اخي عابر
ابيات اجدت في بنائها ومعانيها لها مذاق
جميل لدى المتلقي دمت ودام عطائك وكل الشكر

ابدااااع
يعطيك العافية ولا هنت شاعرنا
نص راقي برقيك

الله الله
شاعرنا المبدع عابر
صح لسانك واعتلا شاااانك
مبدع وجزل الله لايظرك
سجل اعجابي وتقديري
يسبقه ختم التميز

صح لسانك عد ماله حد

قصيده رآئعه وأبيآت جزله
صح لسآنك مليوون ولا يكفوون
ويعطيك العآفيه على هالرآئعه

صحت ابدانكم ولاعدمت هالمرور الراقي
كل من مر ممنونك ��