للكرامه جرح ماهي تداويه الأفاااا
 

مابقى غير الاماني ومعها دمعتين
‏وكلمةً دايم اقوله من الخيبه افاااا

‏المطارق وسمت في خفوقي والجبين
‏احسب ان قلبه صفى لي و قلبه ماصفا

‏لان له قلبي وانا حالفه ماهو يلين
‏قلبي اصفى له من الما على صم الصفا

‏غلطتي ماهيب تغفر ولا عذري سمين
‏يوم احسبه عن هبوب الزمن ستر و دفا

‏كم جرحني واودع ظلوعي النحل طحين
‏ ادمح الزله وارحب ليا منه لفا

‏اصبري يانفس والصبر درعً لك حصين
‏قلبي من اول دروسه تعلم و اكتفا

‏مايجيب الدمع الازرق و ضيقات الحزين
‏غير شيً بين الأضلاع بيّح بـ الخفا

‏ياهبوب النود هبي ولا تستعجلين
‏للكرامه جرح ماهي تداويه الأفاااا

جميل ما خطه قلمك شاعرتنا
صح لسانك ولا هنتِ

الله الله
ياسلام عليك وصح الله لسانك ملايين شاعرتنا
دمتي ودام مداد قلمك ورقي حرفك الفاخر
تقديري وتقييمي لسموك
النجلاء

صح لسانك وبيض الله وجهك على اتحافك الجزل
لاعدمنا ابداعك شاعرتنا
تحياتي

ترفع

صح لسانك واعتلا شانك
ابداع في ابداع
قواك الله,,,,