ديوان الشاعر / عزاام
لاصار قــــرب الـروح يقفـــي به الوقـت=واوهـــام ظـــنّــكـ تجـــرع القلب خيـبـه تبطــــي ركايــب ســـجَّـــــتي ماتنبَّـهت=لوكان قلبـــي يمــــزع الشــــوق جيبــه تمـــــوت صــرخــة لهفــتــي ماتكلمــت=لو هــو عـــوى ذيــب الوله فـــي قنيــبه مهــــما تبيــــَّن فـــي عــناوينــي الكبـت=الـشــرح مضـــمونه شــــــرع في مغيبـه في لحـــظة اســـهاب العـــطا لوتمعَّنــت=ماكانـــت أبعــــاد الخــــــطاوي رتيبــــه دامــــك علــى بوحـــي بـحبــّكـ تيقّــنْت=نبــــرات صـْـــوتكـ ليـــه تحــكيكـ ريبــه من قبـــل لاتلــــوي ذراع الغــــــلا لمــت=تفــرض علــى وجـــه المـــلامـه ضريـبه تدخــــل على باب العـــــتب ماتذكّـــرت=ان الشــكوك تحـــيكـ مـــهـــد المصيــبه آخـــر بنـــــود الحـــلّ منـــــها تنكّــــرت=ترمــــي جمــيـــع عهــــودنا فــي لهيبــه يافارض احساسي على شــفرة الصمـت=اليــوم جــفنـــه غــــارق ٍ فـــي نحيبـــه أقصــــى حقــــوق الودّ منـــها تمكَّنـــت=والوصـــل وابــواب المـــــــودَّه قريبـــه . |
:::.. النظره اللماحه `
لحظــــةٍ وحـده كــفيله بانــهـدام صــروحـي وانهيــــاري كان رهـــــن النــــظـره اللمّاحــه كـنت احسب الرمش ماينبش جميع جروحي لين هـــزَّت طـرقــت اعـيانه بصــدري ساحـه انسكاب الرمـــش دشــَّن سـكب غالي بوحـي واخــتلاج البـــرق في خـــدَّه جنـاح الراحــه واكتـــساح الوجـــنه يجــدّد عــهود النوحي كل ضــــلعٍ بي ينــــوح وكل ضــلعٍ صااحــه ســْــحر عينـــه يمــــتزع باقي بقايا روحــي يشلــــع اوتاد الفــــؤاد ويســـتبيح جراحــه صابنـــي وابل غمامـــــه في ثنايا روحـــــي في ذهـــول اللحـظة اعــصاب الولع فوااحـه واستـمرت دهشـتي مــــــدِّه وانا مــطروحي لاصــحيت اقـيس بُعــــد اللحظـه المجتاحـه (::..عزاام) |
::.. بدر الدجى
ياظـلام الليل فرض الشـوق ســـنَّـه عبر مـوجاتك وشوقــي مع ظلامــه كلّ موجــــه تلطـــم بلقـــبي تونـــَّه ونـــةٍ بالعِـــرْق والأخـــــرى نداامــه هــــوّد بدرعــك وعتـَّـم في مجــنّـه الســــواد اللي يلجـلج من عـتامــــه انتظـر وقت الغــــروب تغيب مـــنَّه شمس يومٍ طال وجدي في ملامــه يامتي لحن الغــــروب يلـوح فــــنّه واعزف بلحن الشــفق لمعة هيامــه وافـرد شراع الغـــلاا ضــمَّه وكـــنَّـه كنــَّةٍ تخـــلط ظلامــي مـع عسامــه دوك قلبـي واسأله عن حسن ظــنـَّه في نياطه من غرامـــك به عــلامــه اغرقـــه في بعـد رســــمك لاتحــنَّه واغــرفه وانشـر هـــلالك بابتسامـه من شعاعــــك يالبــدر للــودّ جــنــّه ماحلـى عقــب الوله مــبدى ســلامه دوك مـــوالي علـى بحـــرك وغَــــنَّه كــودنـي عـبر الأثير اوحـي كــلامـه شـــدّني لونك علــى جــــيدٍ تزمّــــه والنـــحر مبــداه في ناعـــم هيامــه جــفـن ليلٍ ماغــفى من دون شـــنّه من عــــذابك والولــه بيـّن غــــرامه في وضـوحـه في وصوفه غار مــنّه بــدر كامــل فـي بريـقه وارتسامـــه شرح حـلمٍ بالدجى في حـرف غــنّه والشـــروق تشـتته فجـــعة منامـــه ياشـــراع الليـل شــوق القلب ســـنّه في دجــاك البــدر كامـل في تمامــه (:::..عزاام ) |
عزام
الف مبروك افتتاح المدونه عساه محل عامر بكل علم طيب وغانم صح لسانك مبدع ورائع كما عهدناك يسعدني ان اكون من المتابعين دمت بخير |
حسبي الله ع اللي حذف ردي
جااكم العلم أبكم انا اول من رد منهو الملقوف اللي شال ردي رديت مرتين |
صح لسانك ملايين مبدع وجزل يعطيك العافيه تقبل مروري واحترامي لك |
صح لسانك عزاااام
* كنت هنا |
اقتباس:
ومتابعتكم هي النبراس ` اقتباس:
ولاتدعي على أحد ... تشرفت بك ثلاث مرات ` اقتباس:
اقتباس:
.. وجودك يسعدني ` |
الساعة الآن 04:16 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir