|
مداعبه للشيخ
ناصر الهواوي هون فديت هالراس=ذيب الشفا وانا بعد هم فديتك يالشاعر اللي للتماثيل نبراس=معلقه ماهي تجي مثل بيتك لاشك يابن الناس بالمعترك ناس=مع دربهم يمكن يقرقع ونيتك ابيك تضحك لين يبدن الاضراس=وان قلت لي كركر ابد ما عصيتك |
ياهلا وياغلا
بكل من حضر ولفى وياسعد عين الوايليه مادام اعجبتكم هالتصالي وصح الله السانك يالهواوي عز الله انها ابيات مخمليه وحي الله الغنامي لاحساس الشاعر افاق بعيده ولاعجابك روح متجدده ونورت يالشاعر محمد بن عمار ننتظر ابداعاتك واناقة روائعك والشكر موصول لكل من مر من هنا وربي يعيني ع السجن الانفرادي وينكم شاعراتنا شاعرة نجد وهماليل وريوف وغزلان والشيخه وغزوله وغنوجه والعنود والسموحه ان كان قد سقط سهوا اي اسم الفزعه ياالنشميات الاجوديات الوايليه تبي الانقاذ الاميره نجوله والملكه غيومه السهره معكن تجيب العافيه يافاتنات الرواسي مهوره وصدوود ورحوله ولجونه والجووهره وشموخه اين انتن القعده مالها طعم من غير كرم ضيافتكن وطيب ملقاكن مسجونه واتشرط بعد وينك يالرتيق الحق على خيتك تراها بالانفرادي الشعراء سجيين الرواسي ومحمد العواد وحبيس المشاعر وعزاام ومحمد فراج وغشام عطرو السجن بعطور احاسيسكم وحروفكم والسموحه منكم ان كان سقط سهوا اي اسم تقديري لكم جميعا |
قبل الجفن يستسلم لداعي النوم=في خاطري حاجه وابا اكتب قصيده قيفانها قامت تدافع من اليوم=والفكر هجسي يجهل اللي يريده مايلحق عيونٍ بكت خلها لوم=وعيون ماتظفر بشوفه قريده سريت ليل مفارق الزين منجوم=علقت بالخرمه وانا ابغى بريده واصبحت متكدر وضايق ومهموم=وحسابي من الصبر غلق رصيده وان قيل ياوقتٍ قضيناه مرحوم=لعل ما يبقى بعدها شريده |
صح لسان الجميع
منورة السجن المبدعة الوايلية وابشري بحلو التسالي |
بالانفرادي تصيح الوايليه يامره وش جاك وش فيك=احجيره اصغيره ماجاك فيها الا العوافي الجني اللي عيونه قلب باقصاها يراعيك=معروف هذا مكانه له سنه ماهوب خافي حبيب ماهوب يذي زين لاوافق يخاويك=لاتزعلينه زعله اقشر ويا ربي اتعافي في جارتك يا شلولخ يالبطل مانيب اوصيك=خابرك شاعر وعاونها على نضم القوافي |
شلولخ الجني اللي في السجن شاعر ومسالم وصحبته زينه هههههههه
|
النوم جاني بعد ما جت هماليل=من شرفت هملول والنوم جاني ودي اشاركها بحلو التعاليل=وانا اعتبر في حقي النوم جاني سلي وخيتنا بزين التماثيل=وخلي مسير القافيه مروجاني بقيفان من نضمك فلا مثلها قيل=لابالحفر قيلت ولا بالدجاني |
فـي مـــداد المعانــي انثنـــاءة جنـــون
عصفهــا مــا يداني رقّـــة الانسكـــاب لو حروفي حدتني يمّ ضلع السكـون لوّحت كفّها لك يا ضجيج السّحــاب هماليل |
| الساعة الآن 05:47 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir