مجارات الشاعر هزاع العاصمي . والاصيله بنت ابوها
هزاع ياشاعر الجزلات= بشكى لك الوضع والحالي
بعض العرب تقبس الشارات= قول ولا هوب يحلالي انا ابدوية على العادات = واكتب على النت ما بالي أرقا ولا أنزل مع العثرات =وانافس الخلق يالغالي للحرف فى داخلى زفرات = أحيان أهوجس وبلحالي وأحيان اكتب على ماجات = وتطلع لى بيوت وجزالي وأغنى الطرق والشيلات = بشعري و لحني و موالي الشعر نبضٍ وجمع شتات = بين المعاليق يجتالي غلاه عندى انا بالذات = مع طول الايام متعالي هو سلوة القلب فى الضيقات = اسري معه لاغفا السالي دفاتري و الحروف اثبات = بوح ٍ به آلام و آمالي والعذر ياشاعر الجزلات = كان المعاني به هزالي استلمي شاعرتنا الرد أصيلةٍ نافت الخفرات =رمز الشرف دوم تختالي بنت الشهامه بها مروات=نبض الشعر منزلك عالي الشعر ينقادلك حزات = معك يتجلى بالا مثالي وِن قبل القاف والجزلات =نوحي على كل ما طالي وِن غاب منك بلا مشهات =ناجيه ياتيك بالحالي حب الشعر والغلا مرات=يرث على القلب غربالي ون عارضك بالحياة اشتات=ومن الجفا الدمع همالي وغاب الوفاء كثرت الزلات =وصار الوفاء صحصحٍ خالي عيشي حياتك مع البسمات =وشومي على كل عذالي وخذي النصيحة إلا من جات =من واحدٍ خافقه سالي ترى الهوى لعبة بالشات=كله سواليف وهبالي زماننا مايبي النخوات =ميل مع القيل والقالي صارت حياةٍ بلا فزعات=تخالط المر والحالي والصبر في قمة الشارات=والوجد للروح قتالي تمت ولا هيب بالشكات =يالترف ياسمح القبالي |
صح لسان الاصيلة
وصح لسان هزاع ولاهنت خيال على النقل الرائع |
ماشاء الله تبارك الله
شعر راقي وجزالة والنعم فيهم جميع والشكر موصول لك خيال ربي يسعدكم |
صح الله لسان شاعرنا القدير
هزاع العاصمي وصح لسان الشاعره الاصيله جزاله وابداع غير مستغرب خيال لاهنت ع النقل الرائع تقديري لسموك النجلاء |
ههههههههههههههههههههههه
روعه الصوت والصدى لاهنت على النقل يالخيال |
لا هنت خيال مطير ولا خفيك انه اسعدني متصفحك
ومشكور وما اعجابك الا تاج على راسي اجمل وارق تحية |
لا هنت خيال مطير ولا خفيك انه اسعدني متصفحك
ومشكور وما اعجابك الا تاج على راسي اجمل وارق تحية |
صح لسآن الشاعر هزاع العاصمي وصح لسان الشاعره الاصيلة و لاهنت خيال مطير على النقل الجميل |
الساعة الآن 06:55 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir