شبكة رواسي نجد الأدبية

شبكة رواسي نجد الأدبية (https://www.r111n.com/index.php)

- تاج القصيد (https://www.r111n.com/forumdisplay.php?f=5)

- - جرح ٍ وفي (https://www.r111n.com/showthread.php?t=40162)

جرح ٍ وفي

بانتظارك .. لكن اشلون التقيك
أحضنك و الا بـشـوفـك أكتفي

آآآه لو عآنقت للّي مــا نسيـك
تحتـرق باشـوآقـــه وما تنطفي

قلت اجيك وما سمح ظرفي أجيك
لين صآر البعـد يحرج موقفي

مـا أبيك تهين قلب يموت فيـك
مهتني بـتعـذيـب حب ٍ مختفي

قلت اصـدّ و لو تكون اغلى شريك
للفـؤاد اللي بـ جرحـك محتفي

خفت لو حسّيت بي إنِّي أبيك
من دلالك من غرورك تقـتفي

لــيـــت حــب ٍ مبتليني مبتليك
كان تلـويـع المشـاعـر مكتفي

كان ما صار الهوى عبد و مليك
يـوم كل ٍ من شفـا خلّـه شفي

لا تظن بـ طول بعدك بـ انتهيك
لا ولا قلبي لـغـيـرك مصطفي

ياحياتي . ومن هنا لين التقيك
باعتبر إحسآسنـا جرح ٍ وفي

صح لسانك يالصقري
نص فخم وجزل
يعطيك العافيه شاعرنا

الله عليك شاعرنا
نص رااااااااااقي يعطيك العافية ولا هنت
يسلم قلمك المتميز

الصقري
صح الله لسانك مدد
ابدعت وامتعت شاعرنا الجزل
دمت ودام مداد قلمك ورقي حرفك
تقديري لسموك
النجلاء

صح لسانك
لاهنت يالامير

الله الله

عبد الله الصقري
صح لسانك واعتلا شانك
نص جميل ورائع شاعرنا
سجل اعجابي وتقديري
ولك اجمل تحيه

صح لساااااااانك ودام ابداعك
ولاهنت

صح لسانك وبيض الله وجهك على اتحافك الجزل
لاعدمنا ابداعك شاعرنا
تحياتي