بوابة عفيف صوت وصدى
صوتي
سلام ياعفيف واثنيها لبوابة عفيف=ولمن يجي بوابة الجيران والجيرانيه ترحيبةٍ دسمه اتصب لمن قراها صب كيف=ابهارها عنبر وهيل وزعفران ايرانيه عسى القنوف اللي من الصفره لبارقها رفيف=من أطولته الى المطار اتسيِّل الوديانيه لن اصفره من بد ضلعانه من اول لي وليف=ولو كل ضلعانه نستني ما اهقى ينسانيه وياجعل واديه المسمى كل ما جيته امريف=وعسى غصون الطلح في واديه دايم دانيه مربى الرشأ اللي ما أخبر له مع شواردها وصيف=يوم الليالي مسفهله والخواطر هانيه من قبل طول الوقت يهدي للجفا باسٍ عنيف=وصدق العواطف ما تحول تسلية ورعانيه لو ان ذات الطوق تنسى السجع بالظل الوريف=ما انسى طعم فنجاله اللي في يده قهوانيه ياخال مشعل بلغه عني ترا سمعه ضعيف=سلام من قلبه بسود حجارته ولهانيه والواهس اللي نط بك في قمة الضلع المنيف=تراه مثل الواهس اللي بالشعيب اشقانيه صدى الشاعر مشعل المرشدي عليكم السلام يابوعبيد ياعذب النزيف=نزيف نبعك بالجزال النادره دعانيه اعز صوت افزله واجاوبه واعز ضيف=لوكان ماانت بضيف في بيتك والك مكانيه يامرحبا ترحيبتً ماهيب باالوزن الخفيف=ترحيبتً من ثقلها تدري بها العربانيه من كبر قدرك صوت راعيها يضيف ويستضيف=على صدى نجره وريح العود والرسلانيه حي البناخي والطلب والشعر والطرق النضيف=اللي بعد ماقمت اعيد قرايته سرانيه على وصوفه يستدير البال ولصدري وحيف=وعلى لحونه يستمد الفكر بالالحانيه يابوعبيد الضلع مايسمع ولاينظر كفيف=ناديت لين اقفيت عنه وضنتي ماوحانيه قمت اتمعن فيه واحاكيه باسلوبً طريف=وكني سمعته قال ياوجدي على زمانيه ايام كنت بعز قدام الدركتر والرصيف=كانو هنا حولي ومن حولي عرب خلانيه وطرا على وهزني شوقي على الغض العفيف=اللي رحل واقفا وجمرة غيبته تصلانيه وناديت باعلا الصوت يالاصفر ترى وضعك مخيف=لاكني اوصل سلام ابوعبيد اوصانيه واقفيت مدري وين اوجه بين ريف وبين طيف=لاكن شعوري يوم اخدمك سرني وارضانيه مشعل المرشدي [/quote] [/poem] |
صح لسانك
صوت وصدى وجزاله واضحه تقديري وكل الاعجاب |
االهواوي
صح الله لسانك يالجزل وصح الله لسان الشاعر مشعل المرشدي صوت وصدا ولا اروع تقديري وتقييمي لسموك النجلاء |
صح لسانك يابو عبيد
وصح لسان ابو بندر ابدعتوا وامتعتوا وتقبلوا تحياتي |
شاعرنا الكبير االهواوي دائما تفاجينا بروعه كلماتك وهذا شى تعودنا عليه فان كلماتك لها رونق خاص ونكه عربيه عريقه صح الله لسانك ولاتبخل علينا من قلمك كنت هنا ابن البادية |
ارحب يالروقي وصح الله بدنك وبيض الله وجهك
تحياتي |
النجلاء هلابك ومرحبا وصح بدنك ودمتي وسلمتي
|
صح بدنك يابو مشعل وبيض الله وجهك وهلابك يالقرم
|
الساعة الآن 12:24 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir