أغرد الأشعار صبح وعشيه
 

أغرد الأشعار صبح وعشيه
من خاطرٍ ضايق وقلب كسيري

وتقول ذوق وقلت الأبيات ليه
ماهيب منقوله على لسان غيري

ولا كتبت الشعر لأجل العطيه
من واهج يسكن بقاصي ضميري

غير التسلي مالي أيات نيه
كفيت كل الناس شري وخيري

لا احدن يعاتبني ويشره عليه
ولا يشجعني على طول سيري

لي نفس بدروب المعالي حريه
وأقدر احدد وين وجهة مصيري

#سلمى

\\

ياسلام عليك شاعرتنا
أبدعت وصح الله لسانك ع هذه الأبيات العذبة

جميل شاعرتنا سلمى
كفو ابيات جميلة ومعاني رائعه
لكي أسلوب مميز في اختيار الألفاظ صح السانك
كما اسعدني المرور من خلال متصفحك كل الشكر وبالتوفيق

الله عليك شاعرتنا
نص جميل لا هنت يالغلا

كفوووو سلمى أبدعتي
وصح لسآنك مليوون ولا يكفوون
ويعطيك العافيه على هالرآئعه

الله الله
شاعرتنا سلمى
صح لسانك واعتلا شانك
نص جميل وابداع غير مستغرب
دمتي بخير وسعاده
ولك اجمل تحيه

يا سلااااااام
صح لساانك سلمى