|
مراويح الصبا
السلام عليكم وطابت أوقاتكم توصلا مع تاج القصيد .. آملا أن تروق لذائقتكم ^^ يا مرحبا يا مراويح الصبا والرياح = لا هب ذعذاع نسمتها تجي فايحه تعطر الليل والسهرة لخيط الصباح = ونجمة الصبح شمعة للسهر لايحه والغيم كنه بخور العود والشمع ساح = والعين هلت فرح بالدمعة السايحه يا هي بيوت الغزل تبنى لذات الوشاح = والجو وردي وينعش بيتها رايحه يا ليل ذكّرت شِعري بالليالي الملاح = هيضت قافي يجاوب نغمة الصايحه وأصيح بالصوت وأغلِب مزعجات النواح = وأقوم وأمشي بخطوة حظي الطايحه يا طول ليل المعنى فالصباح الرباح = راحت صباحات ما شفنا لها ضايحه يا علّ صبح الأماني ينفلق بالضواح = وأقضي على أحلام صابتني كما الجايحه يا هي علاج الجوايح والبلى والجراح = لو مست الجرح فآلامه لها زايحه ويا مرحبا كل ما ذعذع نسيم الصباح = أتذكر الليل وأبيحه ، وهي بايحه ^-^ وسلامتكم |
صح السانك ويعطيك العافية
على مانثرت رائع وأكثر كما اسعدني المرور من خلال متصفحك الجميل لما يحوي من جمال دمت ودام مداد قلمك بالتوفيق |
صح لسآنك مليوووون
والله يسلمك. ويحفظك شآعرنااا ويعطيك العآفيه على هالرآئعه |
الله الله
مبدع شاعرنا وصح لسانك على هـ العذبه تقديري للشعر المميز,’’ |
يا طول ليل المعنى فالصباح الرباح = راحت صباحات ما شفنا لها ضايحه
يا علّ صبح الأماني ينفلق بالضواح = وأقضي على أحلام صابتني كما الجايحه صح لســـــــــــــــــــــــــااانك وأعتلا شأنك ثم صح لسانك حتى ترضى وبيض الله وجهك , شاعرنا ألكبير سلمك ربي . وأغناك حيث ماكنت خيال تقيييمي لسموك |
صح لسانك مدد
ولاهنت |
اقتباس:
^^^ صح بدنك أبو محمد وما عليك زود وشكرا لحضورك الكريم وأشادتك ولا هنت لك أطيب التحايا وأجمل التقدير ،، |
اقتباس:
^^ صح بدنك جوهرتنا الغالية والله يسلمك ويخليك وشكرا لحضورك الرائع .. دمت بسلام وتحية ،، |
| الساعة الآن 02:27 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir