مهم للجميع تعالو هنا
 

الرواسي الكرام
السلام عليكم ورحمة الله وبركاته
لكثرت طلب عدم اغلاق المنتدى ولعدم الرغبه في تفرق الاعضاء
بعد معرفة سنوات والله اني متضايق اكثر منكم
ولاكن بنحاول وناخذ فرصه ثانيه لنا جميع
وعلى شان نكون يد وحده كلنا اعضاء وادارات
عندي شروط خاصه للطاقم الاداري
1-جميع الاقسام بيكون عليها مشرف ومراقب بيكون المشرف مسؤؤل عن عدة اقسام وكذلك المراقب مسؤؤل عن المشرف والاقسام
واي شي يعجز فيه المشرف يكون معه مراقب يساعده في اي شي يحتاجه واذا فيه شي الملكه مديرة المنتدى موجوده وانا موجود
وان شاء الله النجلاء تحسن اوضاعها وابو فيصل موجود وكذلك حبيس المشاعر
والمطلوب ان المشرفه يتابع الاقسام المسؤؤل عنها اول مايدهل المنتدى على طول يرد ويحذف ويعدل ويكبر الخط للاعضاء اللي يدخلون من الجوال

2-المطلوب من الاعضاء التفاعل في جميع الاقسام والردود على المواضيع ماهو تدخلون وتطلعون ماتردون
واغلبكم مايعلم اني اشوف جميع الاسماء اللي تدخل المواضيع ولا ترد عليها . واغلبها من الطاقم الاداري المحترمين

3-من الان اللي من الطاقم الاداري ماهو معجبه الكلام يقول نزلني وانزله لان مافيه شي اجباري على احد


هذي 3 شروط لمنتداكم رواسي نجد ماهي لي انا ولا اطلب شي لنفسي
اطلب شي لموقعكم اللي تحبونه ولاتبون تفرطون فيه


اللي معنا يقول معكم
واللي ماهو معنا يقول ماني معكم
عطوني ارائكم

وعليكم السلام ورحمه الله وبركاته
انا معاك لجل المنتدى
وانشاء الله يرجع احسن من اول
اذا كنا كلنا يد وحده راح نستمر ونرجع
المنتدى الرواسي مثل الاول واحسن
ويعطيك العافيه ابو بندر ع جهودك لجل الاعضاء والمنتدى

بالنسبه لي يامحمد انا معكم
والي أقدر اسويه ابشر فيه من دون ماتوصي
بس تخبر العلوم الإداريه والفنيه ماني بيمها
والمشاركات أبشر بالسنه مره
هههههههههههههههههههههههههههههههههه

بس والله من القلب فرحان يامحمد لدرجة إني نسيت أرد السلام
وعليكم السلام ورحمة الله وبركاته
والي بجيبك هاته

محبكم مرزوق القثامي

وعليكم السلام ورحمة الله وبركاته
الحمدلله أن المنتدى ماراح يتقفل وماراح نفترق
تسلم يامحمد على الموضوع اللي يفرح القلب
ماراح نقصر جميعاً بالمشاركات وكل اللي نقدر عليه
اهم شي يبقى المنتدى ومايتقفل
مشكور ماقصرت معنا
الله يسعدك
.. وانا معكم ..