صاحبي جيتك وانا ماني بعاذر = مير اخذ كل الأمور بواقعيه
لك بجدّ وصدق وضحة المشاعر=والصراحه تكشف اوضاعٍ خفيه
والله اني صادقٍ لك وانت خابر= يوم اقول الروح لعيونك هديه
انت تنهى النفس يالغالي وتامر=لو تضوّيها على حوض المنيه
لو تحط بخافقي سهم و خناجر=قلت كثـّـر لو مضاربها قويه
بس هي ترضيك ؟ قل .. حاضر بحاضر=لا تروح وخاطرك ضايق عليه
تدري اني من ثلاث سنين صابر=ما رويتك لكن عروقي نديه
التسامح سيمتي وانته تكابر=وان جذبتك ما قوتك الجاذبيه
يابشر عمر الفتى مره وعابر=لا تمادى فكـّــــر بحل القضيه
يوم كلن نام انا تميت ساهر=قمت افكر والقضيه سرمديه
لو تجي وتشوفني ويش انت خاسر=خل اقل حاجه بقلبك مقدريـّـه
شف جريح ٍ غاص غبات المخاطر=واشتكى نارك وهي بالفعل حيه
قلبي اللي لك طلع مني مهاجر=وروحي اللي من غلاااااك امست غنيه
لا تعذبها .. وطبع الحب جاير=ليه تقسي والمشاعر عاطفيه
إرحم اللي في طلب قربك مثابر=ماتخلى عنك وعزومه جديه
ياعساه بنظرتك ماهوب صاغر=يوم ترضى ما احسب لكل البريه
غير هرجك تنقفل كل الحناجر=ومن سواك الهرج ماله قابليه
حلمي بدنياااااااااي قربك وانت هاجر=طالبك لا تجزي الاحسان سيه
ودي اصبر .. بس اناماني بقادر=الله اكبر صرت في حبك ضحيه

صــــــــــــــــح لسانك اخوي عبدالعزيز على القصيده الرائعه

الله يعطيك العافيه

تحياتي