غر السحاب اللـي تعـلا بمنشـاه=له حـزةٍ فيهـا يسـر الفـواادي
يازين شوفه لاقتـم الجـو زينـاه=بعصير لاذعذع نسيـم البـراادي
كريم ياصـوت الرعـد لاسمعنـاه=وهلت مزوونه.. سيلن كـل وادي
برقه إلى منّه ضوى زان مسـراه=واثْرَت على وبله يباس البـوادي
هيّض شْجـونٍ فالمحانـي مْخبّـاه=تقطر ولَهْ لاهـل الديـار البعـادي
ياوجد حالي لشوف أهل نجد وجدااه=وكلٍ علـى ليـلاه غنّـى وجـادي
يابعد ديرتهم عن الشـرق بعـدااه=ماجت على كيفي وغاية مـراادي
والصبر لو نقدر على الصبر محلاه=وصى به المبعوث خيـر العبـاادي
الصبر من أروع محاسن مزايـااه=كتم المشاعر لو عنا الشوق زاادي

ياوجد حالي لشوف أهل نجد وجدااه = وكلٍ علـى ليـلاه غنّـى وجـادي
يابعد ديرتهم عن الشـرق بعـدااه = ماجت على كيفي وغاية مـراادي

والصبر لو نقدر على الصبر محلاه=وصى به المبعوث خيـر العبـاادي
الصبر من أروع محاسن مزايـااه=كتم المشاعر لو عنا الشوق زاادي