|
قم ياقلم
قم ياقلم وأكتب من الفكر هوجاس=وخل الكتابة بالحروف أبجديه ورتب هواجيسي بترتيب وقياس=ولا تختلف وزنتك روحه وجيه وخلك على ظني تعابير وإحساس=وخل المعاني خافيات وقويه اللي يبي يمشي طريقه ولا قاس=بُعد المسافة راح وقته ضحيه وأنا رجل خيال وأختار الأفراس=الطيبات اللي أصول عربيه وفي ماقفي ماني ذليل وبلاس=تلقى شدادي فوق ظهر المطيه أسابق أيامي بهمّه ولا باس=وأحضى بِعِرف أهل الوجيه النديه والعرف والعراف من كل الأجناس=نفسي بهم لا شك دايم هنيه والدار يا هل الدار تَكرم على الراس=ماني مدور في ذراها رديه لا جيت متغرض ولا جيت عساس=كريم واحمل روح حره أبيه لي مع هَل الطالة مواقف ونوماس=غاوي هّل النخوة رجال الحميه شاعر ولي قلطه وعايش مع الناس=وماني بساري فالدروب العنيه وربعي رجال الطيب والأصل والساس=اللي لهم نفسي تّقدّم هديه أعلنت في درب الردى معنى الإفلاس=ولا عاد لي رغبه بكل البقيه |
والله والنعم
وصح صح صح قلبك وكلك لين ترضى فواز لا تغيب يالحبيب لك قيمه ومقدار وصاحب دار وبشر بالخوه الي ماتبور احترامي يالجزل |
|
اقتباس:
صح بدنك ولا هنت يالقرم من ظروفي يامحمد ولا أنت تعرف اني أغليك وأعزك وما أعتبرك الا أأخ عزيز وغالي ومحلك محلي والله الشاهد وأنت راعي الخوة ولك البيضاء ياصبي روق هذا الصحيح ولا المزوح لها مجالها شعورك الصادق كساني تاج المحبة والحياا لا هنت ولك تحيتي |
اقتباس:
صح بدنك ولا هاان راسك يابنت الرجال الروعه تجسدت في حضورك الكريم لا حرمنا الله حرفك وحضورك لا عدمناك تحيتي |
صح لسانك فواز البقمي ولاهنت على هالقصيده
الجزله والرائعه من نسج قلمك المبدع شاعرنا لك كل الود والتقدير |
اقتباس:
صح بدنك ولا هان راسك وكلك وبيض الله وجهك على هذا الحضور المشرف المشرق والذي جعل لمتواضعتي كسااء فخر ترتديه وتزهوا به تحيتي |
صـح الله السانك ,, وعتلى شانك..
روعه من احد روائعــك .. دمت بـ/ خيير |
فواز البقمي
صح السانك وعتلا شانك قصيده جزله ولاهي غريبه على شاعر مثلك الجزاله لاكن عندي ملاحضه بسيطه لو قلت بدل قم ياقلم وأكتب من الفكر هوجاس هات القلم واكتب ----------- - -- بعد المسافه راح وقته ضحيه - -- لو قلت بعد المسافه راح فيها ضحيه - -- تكون احسن وهذا لا يعتبر نقد فواز قصيده جزله وشكرك على ما كتبت تحياتي لك |
قصيدة رائعة أخوي فواز واضحة المعنى جميلة الاسلوب
واخيرا يافواز فهمت عليك مباشرة من أول قراءة للقصيدة صح لسانك أخوي لاهنت ولا عدمناك |
فى الشعر لى صوله وجوله ونبراس -----انوخ فى القيفان لاجلك عطيه
زلاتنا لظيف تكثر مع الباس ----- ودلاتنا لظيف ماهى بطيه الاخ فواز صح لسانك انت شاعر فحل وقصيدتك حلوه جدا |
اقتباس:
صح بدنك ولا هااان راسك يالقرم اكرمتني بحضورك المشرف ولك تحيتي |
اقتباس:
صح بدنك ولا هنت يالقرم مما لا شك فيه أنك مدرسة شعرية نفخر بتواجدها ونقدها وتوجيهها وقد لامست الصواب .. وزادني توجيهك واهتمامك إحترام لشخصك ومحبة لذاتك .. ووجهات النظر نحترمها أيآ كانت ومما لا شك فيه أن لك رؤيا من واقع تجربة .. أشكرك من اعماقي استاذي الكريم ولا خلا ولا عدم تحيتي |
اقتباس:
إن ما سطره قلمك هنا يعكس سجيتك ونقاء سريرتك ونفسك الطاهره وانا فخور بحرفك وحضورك العاطر يُقال أن المرأه هي وحدها من تستطيع قرأة الرجل القرأة الصحيحة والسبب يعود لمهارتها في تتبع التفاصيل الدقيقة والتي غالبآ ماتكون هي المدخل الرئسي لدراسة افكاره ومعرفة توجهاته وبما أنك ولجتي من خلال متواضعتي فلن يختلف الاسلوب في غيرها وسأكون مطمئن تمامآ لان هناك من يستطيع قرأتي عطرتي متواضعتي بشدا حرفك وحضورك العابق لا هنتِ تحيتي |
اقتباس:
داعي الشوق لا أخفيك بأن لدي حساسية مفرطة من الأسماء المستعارة..؟ وهذا لا يعني أني أتحفظ على حضورك .. بالعكس أنت موهوب وذكي ولماح .. وهذا استنتاج قرأته من خلال رد سابق لك على موضوع في العام .. فرمزيتك للتعليق على لب الموضوع جعلتني أدقق على ما سطره قلمك فلديك المقدرة والفكر وسرعة البديهه شرفتني بحضورك ولا هاان راسك ودمت لمغليك ولك تحيتي |
اقتباس:
اخى فواز انا من دوله مجاوره لكم لا كننى هايم بكم وبشعركم واذا تحب اعرفك بنفسى فهذا من دواعى سرور حفظك الله ورعاك |
لي مع هَل الطالة مواقف ونوماس=غاوي هّل النخوة رجال الحميه شاعر ولي قلطه وعايش مع الناس=وماني بساري فالدروب العنيه فواااز البقمى كفوووو وبيض الله وجهك دائما وااافى جزل وربى يالبقمى جزل دائما احس ان لديك مثل هالباذخة فلا تبخل يالسنافى علينا دائما متعطشين لجديدك |
اقتباس:
داعي الشوق ( جميل العزانى ) بادئ ذي بدء .. لك من الترحيب ما يعانق السماء .. ولك الأجلال والتقدير ما أنت أهل له .. حللت بيننا فأصبحت أخ وشقيق قلمك ينبئ عن فكرك وثقافتك أثلجت صدري بردك الأبي الشامخ المدرك فإن كنت صاحب تجربة وعلم فنحن ضمأ وفي جعبتك ما قد نبحث عنه فأنت من قاعدة يعرفها الجميع فهي من أهم وأوائل منابع الثقافة والأدب ولنا بك مغنم في العلو والرقي .. ولنا بتواجدك بيننا شرف الرفقه .. فلا تأخذك كلماتي في رد سابق لامر ما .. لاني في الحقيقة بدوي دمث الطباع والخص لك شخصي في بيتين من الشعر
انا من العربان نفسي كليفه =فيها من احداث الزمان الوعوره وانا بعد انسان نفسي رهيفه = شاعر واحب الحب وابني قصوره ولا شك في نفسي زوايا مخيفه =من الالم تشبه لحود القبوره وش هو من الاشعار اقدر اضيفه =من القصيد الي تناثر زهوره أخي الكريم اعلم بأني سعدت بحرفك وبمداخلاتك وبحضورك وبشخصك الذي أحدث بداخلي إرباك في البدء اما الأن فأنا شغوف ومتلهف لما حوته دواتك . لك من اخوك التقدير واطيب التحاايا ومرحبا هيل عداد السيل اخوك |
اقتباس:
وجهك ابيض ولا هااان راسك يالنشميه ابشري بسعدك ومالك الا رضااك لا خلا ولا عدم ولك تحيتي |
لله دركـ وصح لسااانك
ولاهنت على القصيده الجزله .. وعساك عالقوووه تحيتي |
ورتب هواجيسي بترتيب وقياس
ولا تختلف وزنتك روحه وجيه وخلك على ظني تعابير وإحساس وخل المعاني خافيات وقويه صح لساانك أبدعت يـ الشاعر ولاهنت على هـ الكاايفه تقديري’,, |
اقتباس:
المراقب العام صح بدنك وكلك ولا هااان راسك مرور كريم لا خلا ولا عدم تحيتي |
اقتباس:
الشاعرة القديرة شاعرة نجد صح بدنك وكلك ولا هاان راسك اكرمتني بحضورك العاطر وشرف لحرفي معانقة حرفك الشامخ اشكرك ولك الاحترام |
| الساعة الآن 02:23 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir