مرحبا ومسهلا ومبروك شهر ارمضان = جيت ياناصر وفيها سعد جيتك
مار عطنا سبب غيبتك في هالبيان = ياقمر لك شهور وطافيه ضيتك

البقـى يالمرحـّب عقب جيت المكان=جعل ربي يبارك فيك / صف نيتك
من ، ظروف الليـالي / مافهمنا الزمان=كنـّه ايقول ماني صك ملكيتك

قالو الربع عشرك ماتعود ثمان = ساعة الموت جات وزخرف اوصيتك
الزمن مايطاوع من عضامه ليان = مار كانك تمنا حقق امنيتك

مابغينا الخطيـّه / مير شد العنان=ليلتك ياعميلـي .. ماهي بنيتـك .!!
فوق ظهركـ / بحط الزاد ، وامش بحنان=لجـل تعرف وتفهم بـ / اللقا سيّتك

انت ودك تسافر يم حلت عمان = مامعك لاجواز وذي ماريتك
ابك انا الفارس اللي فوق ضهر الحصان = مار في فندق البراق من بيتك

انت شـاعر فكاهـي ، بس طول اللسـان=للحريـم / ونصيحه ، فكّ دوسيتك
منت لاقـي عليهاا لا شهاده وضمان=في حضـوري تركّد والتزم فيـتك