|
أكمل النص التالي
أعزائي شعراء رواسي نجد الكرام
هنا سنكون على موعد مع الدويتو الشعري " القصيدة المشتركة " حيث سيقوم الشاعر بطرح أبيات لم تصل لمسمى القصيدة " أربعة أبيات مثلاً " ويذيلها باسم الشاعر الذي يود أن يكملها إلى أن يتم الوصول لقصيدة كاملة متكاملة وزناً ومضموناً مشتركة بجهد شاعرين وبعد ذلك سيتم طرحها بشكل مستقل في "تاج القصيد" باسم الشاعرين نتمنى التفاعل من الجميع # نلفت النظر إلى أن هذا الموضوع ليس محاورة شعرية بل عملية تشارك لإكمال نص وإظهاره بصورة متكاملة جميلة هماليل... |
هماليل
طرح جميل وراقي كرقي حضورك شاعرتنا ان شاء الله نشوف تفاعل من جميع الشعراء ونشوف تائج مبهره سجلي اعجابي وتقديري مع التثبيت |
يعطيك الف عافية غلاي
موضوع راقي ومتميز بالتوفيق للجميع |
يعطيك الف عافيه
موضوع اكثر من رائع ومميز ان شاء الله نشوف ابداع شعرائنا تقديري لك |
يعطيك العافية هماليل موضوع متميز سجلي اعجابي
|
محمد الغنامي
الملكة المهرة عوض الرويلي شاكرة لكم المرور الجميل |
ليت السّحاب اللي تهامى نـــوّه
يروي صميل ديارهـــا بمـــروّه الدّيرة اللــي زينهــــا متبــــــادي عندا بها الحسن العتيق يتـــوّه مرقابها لا من تحــدر سيلـــــه سوّابها من شوق قلبه هــــــوّه يلقى بها التّايـــه شفا مقصـوده في كفّها من مكرمين الخـــــوّه محمد الغنامي أكمل .... |
يعطيك ِالعافيه طرح اكثر رائع
وانتي دائما رائعه في طرحكِ ياغاليه .. نتمنى تفاعل شعرائنا الكرام .. |
ليت السّحاب اللي تهامى نوّه=يروي صميل ديارها بمروّه الدّيرة اللي زينها متبادي=عندا بها الحسن العتيق يتـوّه مرقابها لا من تحدر سيله=سوّابها من شوق قلبه هـوّه يلقى بها التّايه شفا مقصـوده=في كفّها من مكرمين الخوّه بربوع دار متيهين الفاطر=بفعولهم يوم انها بالقوه وبيوتهم بطرافها مبنيه=وكلٍ مولع للطراقي ضوه وقفاتهم مافيه احد منكرها=اهل كرم واهل صخى ومروه احبها من شانهم واغليها=هذا ماجيت ابا اذكره وانوه يشرفني ان اكمل مثل هذا النص الفخم للشاعره هماليل يعلم الله انها شاعره جزله ومبدعه |
اقتباس:
وشكراً لمرورك الجميل يالغالية |
اقتباس:
وكلماتك شهادة أعتز فيها تحياتي لسموّك وتقديري |
الله الله الله
ابداااع ابداااع صحت السنتكم مليووووووووون ولا يكفووووووووون |
اقتباس:
صح لسانك شاعرنا الجميل محمد يكتمل الإبداع بتواجدك بانتظار مشاركتك وتفاعلك |
شاعرتنا الراقيه المبدعه
اهنيك ع الموضوع الرائع وان شاء الله نشوف تفاعل شعراء رواسي ومشاركاتهم وصح الله لسانك وصح الله لسان مديرنا محمد الغنامي بدايه وتكمله في قمة الروعه تقديري لكم النجلاء |
اقتباس:
صحت الالسن فكره جميلة يلتقي فيها المبدعييييييين نص ابدااااع وامتاااااع |
اقتباس:
وصح بدنك ..يكتمل الإبداع بتواجك الأنيق تحياتي ومودتي لك |
اقتباس:
صح بدنك شاعرنا الجميل نايف ممتنة جداً لمتابعتك الرائعة ودّي وتقديري لك |
سعد عين اللي على المنفذ طرقها
لـكـززن لـون الـبرد فـيـهـا غماقي يـم دارٍ بـالــحـــيـــاء ربي فـرقـــهــا ما عـدل فلاحـهـا درب الـسـواقي دام سهم الموت روحي ما زرقـها ناصـل اللي حبها فالــقـلـب بــــاقي ودي اخفف على روحي حـرقـهـا جمرة الاشـواق يـطـفـيـهـا التلاقي سجين رواسي اكمل |
الله عليك يابو فيصل
صح لسانك وننتظر سجين الرواسي |
اقتباس:
من يلوم العين لو طول ارقها دام ما صار التلاقي و االعناقي المراكب كان ما جتني غرقها شبه مضمونن وللموج اصطفاقي لوحت وعيون قلبي تدرقها وغرست رمح الهجر والافتراقي ليت روحي نور عيني ما سرقها كان يمكن فادني نفثات راقي |
الله الله
صح لسانكـ يا سجين مليووووون ولا يكفووووووون |
صح لسانك يابو فيصل
وصح لسانك ياسجين نص جميل جداً ياليت احد ينقلها لتاج القصيد |
صح لسان محمد بن فراج
وسجين الرواسي مبدعين نص متكامل وجميل سيتم النقل كقصيدة مستقلة |
صح بدنكـ يابو بــنـــدر
وصح بدنتس يا هـــمـالـيـل |
فكرة رائعة شاعرتنا هماليل وانتي وجودك بحد ذاته روعه صح لسانك ولسان محمد الغنامي وصح لسان محمد الفراج وسجين الرواسي صراحة ابدعتو -وسيتم نقل القصيدتين بشكل مستقل لتاج القصيد- تحياتي |
صح لسانك هماليل
صح لسانك ابو بندر صح لسانك ابو فيصل صح لسانك سجين ابدعتو |
شكراً جزيلاً شاعرتنا ( هماليل ) =موضوع فعلاً يستحق الإشاده هذا وانا بالذات مع داجي الليل=يا هبّ نسناس الشمال وبراده اسهر على المعنى وبدع التماثيل=يعني مثل ما قالوا الناس عاده ودامي بقطاع الحب في مهنة الويل=معاشي بـ بنك النكاده نكاده . . . كملي يا نجد |
/
الله الله روااائع وبدااائع محمد فراج وَ سجين الرواسي صحت ألسنتكما ودام إبداعكما جزلين وو افيين |
غشام
وشيخة الغيد شكرأ لمروركم الجميل أنرتم المكان تحياتي لكم |
اقتباس:
والعفو يالطيب أنا من يشكرك على تفاعلك الجميل وتلبية الدعوة بانتظار الشاعرة الجميلة شاعرة نجد |
الله الله الله
ع هذه الروائع والابداعات صراحه استمتعنا بهذا التواجد المشرف ل شعراء وشاعرات رواسي ونطمع بالمزيد والمزيد تحيتي وتقديري ل صاحبة الفكره الفاتنه والرائعه الشاعره هماليل ربي يسعدكم ويوفقكم يالغوالي كونو دوما بالقرب |
صحت ابدانكم جميعا
وصح لسان ابو فيصل وتشرفت ان تضاف ابياتي لابياته وصح لسان نديم القوافي محمد العواد ومشاركتي قبل القلم يزداد في اسهابه حيثه يطيش ان صرتي المقصوده ولو يتكلم ساق لك إعجابه صوت تصفق له جبال السوده ومدام صرتي للقصيد أسبابه انا وحرفي مدفع وباروده ولاجلك ابدخل في ظلام الغابه ولا همني بذيابته وأسوده واتمنى يكملها بدون قصور في الجميع الشاعر غشام |
اقتباس:
صح لسانك يالجزل بانتظار الشاعر غشام |
موضوع راقي ومتميّز من تميّزك شاعرتنا المبدعة هماليل
أبدعتم جميعاً أتمنى لك وللجميع التوفيق دمت بهذا التميّز والعطاء |
اقتباس:
شكراً لمرورك المتميز شاعرنا القدير عبده حكمي ودّي وتقديري لسموّك |
اقتباس:
أبشر شاعرنا وصح لسانك على هـ الابدااع وشكرا جزيلا لـ اختياري لـ اكمال ابياتك,تشرفت طال عمرك وتسلمين هماليل لاعدمنا حضورك ومواضيعك المميزه شاعرتنا العذبه واعتذر عـ التأخير تو انتبهت للموضوع تقديري,’’ |
شكراً جزيلاً شاعرتنا ( هماليل ) =موضوع فعلاً يستحق الإشاده هذا وانا بالذات مع داجي الليل=يا هبّ نسناس الشمال وبراده اسهر على المعنى وبدع التماثيل=يعني مثل ما قالوا الناس عاده ودامي بقطاع الحب في مهنة الويل=معاشي بـ بنك النكاده نكاده مكسور خاطر ماحصللّي محاصيل=من حبي المجهول غير القراده وغنيت من شعري,جديد المواويل=مع النسيم العذب دون استفاده حتى ولو يروي ضمَى الشوق ويزيل=همي,مواويله,تزيده زياده دفنت حبٍّ كفّنَتْه الغرابيل=وحطيت لي من ذكرياته وُساده موضوع هيضني وانا جيت بالحيل=شاعر وطلعتي خفايا فواده |
اقتباس:
مدام سيفي ف اليمين نصابه ماافكر بقّل الكلام وزوده القلب يدفعه الوله لاحبابه لاذعذع الغربي عليه بـ نوده اللي ليا منه شبح بـ اهدابه كم واحد ً روح ضحية سوده بــ اوصفه لاكنّ كيف ابدابه بطلته ابنظرته بخدوده الزين حدك بس وانت اولابه واللي تنافس طلتك مقروده غيرك يجي ويروح مايدرابه كلن لياشافك لزم لحدوده عشقت له واموت به واحيابه بس الطرق قدامنا مسدوده متى يحن ويفتح لي ابوابه واصافحه وأشم ريحة عوده |
شاعرة نجد الجميلة
صح لسانك يالمبدعة متالقة كالعادة سيتم نقل النص بشكل مستقل في تاج القصيد |
صح لسانك غشام
نص جميل وكايف سيتم نقل النص كاملاً بشكل مستقل |
| الساعة الآن 12:25 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir