غرام المجانين .. نص + شيله
 

السلام عليكم ورحمة الله وبركاته



متى على الله نلتقي يا اريش العين
واملا عيوني من مشاهد عيونك
*
*
متى على الله تجمع الصدفه اثنين
واقول يا شوقي عليّه بهونك
*
*
ومتى يزول الهم والغم والبين
في ضيقتي يالله لطفك وعونك
*
*
لاعتني الدنيا وانا خاطري شين
وعيت ضنوني لا توافق ضنونك
*
*
انا اشهد ان اهل المحبه مساكين
با احساسهم لابد ما يقنعونك
*
*
لانه يحركهم غرام المجانين
في حبهم عبره لها يدفعونك
*
*
وانا اسير العقل والخلق والزين
يارب تكفيها بحفظك وصونك
*
*
يالوالي اللي ترتجيه المصلين
وقدرتك بانت في تدابير كونك

*
*

سعد بن حسين


*

*

[youtube]https://www.youtube.com/watch?v=BVhS0St_tn8[/youtube]

قصيده وشيله رآآآئعه

صح لسآنك اخوي سعد

وصح صوتك العذب

الله يعطيك العافيه

ويحقق أمآنيك.....

الله الله
راقت لي
صح لسااانك
وصح صوتك الجميل
لك تقديري وتقيمي لسموك

الله الله
ماشاء الله .. نص جميييييييييييييييييل واداء رائع
صح لسانك وسلم صوتك وفي انتظار القادم .

جميل الاداء والكلمات يعطيك العافيه

صح الله لسانك وصوتك العذب شاعرنا
ابدعت وامتعت كما تعودنا من سموك الابداع والامتاع والحضور الملكي
دمت ودام مداد قلمك ورقي حرفك العذب
تقديري لسموك
النجلاء

صح السانك شاعرنا ابدعت وامتعت
ولحن والاداء كانا مميزين دام عطاءك شاعرنا
اجمل وارق تحية

سعد
صح لسانك ودام نبضك
لا هنت على روعه ابياتك
يعطيك الف عافية

الله الله
سعد حسين
صح لسانك وصح صوتك
مبدع مبدع وعذب كما عهدناك
سجل اعجابي وتقديري
ولك اجمل تحيه
وتقدير

مرحبا ومسهلا يابو حسين,,

صح الله لسانك وصح قلبك وكلك ,,

نص من شاعر مبدع ,,

تحياتي وتقديري لك.

صح لسانك ياسعد لاهنت
تقبل مروري وتحياتي