ياسلام الله على دارٍ معزتها بهلها
 

ا

السلام عليكم ورحمة الله وبركاته

مشاركه مع اخواني الشعار في هذا القسم والله يحيي الجميع

عدّ مالاحت بروق الخير في عرض الخيالي
ياسلام الله على دارٍ معزتها بهلـــها
العلوم الطيّبه تبقى على دور الليالي
والسوالف عملـــــةٍ اريالها يفلج هللها

برق ....
حياك الله شاعرنا بيض الله وجهك
كفيت ووفيت لاهنت

برق الوسم
صح لسانك مليون
والعذر من الله ثم منك
والله العظيم دوبي شفت المحاوره
بس ان شاء الله بيجون الشعار ويردون لاني مسافر
الحين وماسك خط

صح السانك ولاهنت
وبأنتظار الشعراء
واتمنى لكم وقت ممتع في المحاوره

صح الله لسانك يابرق الوسم
وفي انتضار شعراء رواسي

عد ماهلت مزون الخير في روس الجبالي
مرحبا في حلةن جادت على منهو وصلها

العلوم الطيبة حملن على ظهر الجمالي
والأوادم لا حكت نعرف نعمها من خبلها

الله الله
صح لسانك يانهر
مبدع وجزل الله لايظرك

الله الله
صح لسانك يانهر

هلا لك برق الوسم

وصح لسانك

وصح لسانك نهر

ويعطيكم العافيه

أرحـب يانهر

وحي الله الجميع كلٍ بأسمه لاهنتو

البقا ياللي ترحب عقب ماجالك مجالي
لاتغرّ الكلمه اللي يروي الظامي زللها
كل رجالٍ يميز فالحرام وفالحلالــي
مير شفنا أم الكباير مستمرّه في حَمِلها

شوف لنا وقت تكون فيه متواجد نكمل الملعبه لاهنت إن بغيت طرق جديد ولا نكمل الطرق

الله الله
صح لسانك يابرق
وانا وياك حددو وقت احسن عشان تكتمل الصفوف ويحلى اللعب
لاهنتو شعرائنا

الله الله
صح لسانك يابرق الوسم
مبدع مبدع
الليله حاول تنسق مع نهر في صندوق المحاثات اعلى الصفحه الرئسيه
وانا تراني ضدك انت والاميره وفي صف نهر
ههههههههه

صح لسانك يا برق الوسم
وصح لسانك أخوي نهر
كلكم
مبدعين
بيض الله وجييييهكم

والله اني ماوردت العد بقصار الحبالي
مير حاسب لاتزل بكلمةن ماتحتملها

ادري ان مافيه كامل دام لله الكمالي
والعرب ماني محاسب قولها والا عملها

صح ابدانكم جميع

وجودكم شرف وفخر

لاهنتوا



مرحبا شاعرنا
اللي تامر فيه طال عمرك

الليله إلى 11
وبكره بعد 11 بالليل

تبي نكمل والا محراف جديد على هواك

صح لسانك يانهر
مبدع يامبدع
ننتظر الوقت المحدد
ان شاء الله

برق الوسم

نهر


صحت السنتكم .

آمر المعروف وأنكر كل منكر لا بدالي
يوم بعض القوم كفي من تخاذلها اغسلها
والله اني لابريت القوس مايخطي نبااالي
مير شمس المعرفه تشرق وتعمي من جهلها

يالربع نسقوها اكتب من الجوال ولا فيه تنسيق

يانهر اختم عندك وحدد لنا وقت بكره الليل امسااا لاهنت

صح لسانك برق وننتظر الختام

الحكومه ماتلفت في تهرًاج العيالي
ماترد الا على موس الشوارب لا فتلها

والله ان البير تبغى للسواني والمحالي
مير وين اهل العضود اللي ينومسنا فعلها

صح لسانك يا شاعرنا وفالك طيب

صحت السنتكم شعرائنا المبدعين
ويعطيكم العافيه ع الابداع

يرفع


.
.