متواضعه اتمنى ان تنال الاعجاب


معي جني يجيني كل ليله=يكلمني وانا دوم احكي له

اقول الحال ياجني تدهور=وابي لي حل لو بأيت وسيله

انا حبيت بنت (ن)ماتبيني=ترزخشيمها مثل الجليله

عليها صابر(ن)طول الليالي=وقلبي داخله مثل المليله

وجاب الحل من راسه قرنتي=وقال الحرب خير من الفشيله

وقال ان البسوس اللي تجنت=بناقه شتت شمل القبيله

وشبت نار في بكر(ن)وتغلب=وخلت شيخهم يظهر حفيله

غرس جساس رمحه ف بن عمه=بوادي مرمس (ن)ماسال سيله

وصاح الزير ابو ليلى المهلل=لثار كليب شبو في الفتيله

اخذ سيف وركب فوق المشهر=اصيل ولا تحداه الاصيله

عليهم شن غاره بعد غاره=وسواله سوايا مستحيله

دخل في راسي الجني بقوله=يوسوس لي وانا قمت ارتخي له

وانا من كثر حبي للبنيه=طفح كيلي وخايلت المخيله

ابا اسوي سوات الزير سالم=وابا أعلن حرب مدتها طويله

ابا أخذ سيف (ن)ابتر في يميني=يشيل الراس من متن (ن)يشيله

يقول الزير أريد كليب حيا=وانا بقول ابيها لي حليله

مدام الزير قرر باخذ ثاره=ابا اخذ ثار قلبي من خليله


وسلامتكم ,,,

يامرحبا والدار دارك ومطرحك=واكبر فخر للدار لحظة مكوثك