|
مجــ تمتمات ـــرد
للأحرف قراشيع وللهمس قرقعه هنا سأبوح بكل قراشعي وقرقعة همسي وجل الأمنيات بأن تحوز هذه القراشيع على إستحسانكم ورضائكم |
إذا إحترقت بشوق ولا تعبك همك = تذكر الي مع الخطوه تحرالك وإذا سواد اليل بهومه لفى وضمك = تذكر الي بصدره دوم منزالك وإذا جروحك بصدرك جارت بخمك = تذكر الي بكبر الجرح داوالك تخطي وانا العشق فيني عمي وعمك = بالحشمه الي بصدري دوم تزهالك ماجيت شاري لعشق غايته ذمك =ولا جيت قاصد غرام عزه إذلالك مبطي وأنا أخايلك أرجيك واهتمك = والعين عيت تهنى لحظة وصالك لن جيت تلقاني سبوق بخطوتي يمك = أهلآ هلا فيك قلبي فز حيالك وإن رحت راحو كثير الناس من دمك = ماني بروحتك متحسف ولا هالك تكفيني الذكرى بوقت وزان به لمك =يوم الهوى مهرتي والشوق خيالك |
وقفـــــــــــــه كانو إثنين وكنت واحد راح واحد باقي واحد الله يستر يازماني لايكون الثاني جاحد |
تنشد عن الأسم تنشد وين عنواني = وتنشد عن العمر وشهي قيمته فيني ولا عن الحال تنشد ليه باحزاني = ولا عن أحوال جرحي تسأل سنيني ولا عن الحب تنشد وين مسكاني = ولا على الطيب تنشد من يخاويني أصبر دقيقه على نشدتك تلقاني = بأعظم إجابه قصيدة حب ترويني أنا محمد و(مشفر) كل عنواني = تاخذ من العمر أغلا قيمته فيني وأنا و(مشفر) سبة أحزاني = هي سبة الجرح دامك تسأل سنيني وأنا وبيت الشعر مسكاني = وبيوت شعري ل(مشفر) من يخاويني العمر فاني وكل إحساس به فاني = وإن مت لي عاشق ياليت يرثيني لا تنشد الحال حلو الحال بالحاني = هذي حياتي وهذا الوضع مرضيني |
ماهو بوقت الموادع أصبر شويه = لاحق على ضيقتي لاحق على أحزاني مدامني أول غلا لاتقلب النيه = يالعنبو واحد مايرحم الثاني كل يوم احس إنك أخر مابقي ليه = وشلون تقوى على الفرقا وتنساني تموت الأحلام والذكرى معك حيه = شف عاد وشلون لامن طال حرماني وشفيك ترفض غلاي وشرهة يديه = ماكنك اللي رقد ليله وصحاني أشيل جرحك وأضمه فوق مافيه = هذا إحتضاني لجرحك وين وداني لاصار ماتفرق الروحه عن الجيه = ماضنتي لو تلف الكون تلقاني |
فصلة مخ
يامورد حبك على دبج وهماج = دبج الغلا ماسر عاشق غرسته أصل المحبه همستين وإندماج = ثم إندماج أصل المحب لهمسته وأصل المحبه مايجي فيها حراج = كذاب من ساوم خفوق ولهفته عندي رفيقه بوحها فلة حجاج = يابخت من بوحه يخاوي دلته |
لو تشبهنا وقلنا إقتباس = نقتبس من مين قلي نقتبس دامها الضيقه تسبب إنحباس = لعنبو قلب لضيقه ينحبس |
مجنونك اللي بكل أشواقه يصونك = المحتوي لك غلا في كل حالاتك لو طال وقته معك ماخيب ضنونك = يدمح خطا زلتك ويسد خملاتك |
لو وثقت فيك الليالي غرامي = ولقيت فيك إحساس وافي لخله لهديك قدري مع كبير إحترامي = وأهديك قلب وعزتك غاية له وإن كان شفتك والغلا فيك سامي = تبشر لعينك عاشق ماتمله بتعب ولا آشوفك مع الناس ضامي = لو كانت ديار العمر مضمحله وإن كان شفتك زايد بأهتمامي = ياهوه أنا شاريك بالعمر كله هذا مقامك عاشقي من مقامي = إن ماعشقتك ويش أنا عاشق له |
مقدسك قدس غلا النفس تقديـس =قدس غلاه انتي على كـل حالـه كدس خفوقه لك مع الناس تكديس = تكديس مايعرف هـواه إستحالـه قوست ضلع وضلع محنى بتقويس = تقويس من يبغى الغلا له لحالـه غمس غرامك داخل الروح تغميس = دام الحلا ريقـي تقهـوى دلالـه |
إجمع شتات إحساس نفسك وخصه = وحاول توازي في طموحك معاليك عمرك إذا ماعشتبه ضاع نصه = في فلسفة عمرك وكثرة طواريك إعشق وخذ عشقك بقلبك ورصه = ضمه وقل ضميت يالعمر غاليك خله وحيد في حياتك وحصه = تلقاه أروع شي منك وسكن فيك عقلك إذا إنغريت ضيعت فصه = قلي بليا عقل منهو يخاويك وإن ضاع عمرك إصبع النص مصه = أحسن خوي أصبع تمصه ويعطيك |
ماتغير شي لكن الجديد = جرح يحرقني وشوقك يدفعه ساكن بالعمر مالك للوريد = كيف دمي عن عروقي تقطعه تحسب إن الصد للعاشق يزيد = عشق صافي في فؤاده يجمعه مادريت الجرح باسبابك يعيد = صوت دافي والدفى من مدمعه أجمع الأمرين وأطرحها وأعيد = وأخذ أقرب شي فيني وأتبعه مالقيت إلا جروح تحتويني ياعنيد = مالقيت إلا كلام سم دايم أسمعه ماهقيتك لاهي بالشوق لو عني بعيد = لكن أبشر جرح فيني بقطعه وإن بغيت الجد إسمع للأكيد = صاحب يرضى بذلي ماأتبعه |
إستباح الهاجس لفكري وغنا = وأزعج المغنى مواويل وقصيده يالغرام اللي له الخاطر تعنا = أسبق الدنيا عشانك لو مسافاتك بعيده غن ياشعري وعادتك المغنا = غن في عمر يده تقطع وريده في عيون اللي بعمري ماتثنا = في غرام اللي خذت قلب تريده في غرام ماخذه ياكود حنا = يوم كنا في وطنا سيد يعشق وسيده وين رحنا كيف صرنا وين كنا = أسئله في خاطري تبغى إجابات عديده والوعد حلو الوعد يوم اتغنا = لحرق الدنيا ( لعشقي ) في مواويل جديده |
لولا الغلا ماكتبت الوصل بغيابك = ولولا المحبه جزيت الصد بفراقك ياهاجري خاطري لوتاب ماذابك = وأنا مع الوقت جرحي مونس إحراقك أخر قصيدة غلا وتواسي أحبابك = وتبين اللي مضى في سيد أشواقك والناس واجد تشين وتكسب إعجابك = وأحباب واجد تسمو بأسم عشاقك وأنا من الناس محد قال وش جابك = والناس نيات بالنيات وش لاقك عشقان طيبك وطيبي فالزمن طابك = من واقع أعماق قلب مات بأعماقك وإن كان أحبك وحبي فيك ماعابك = عيبي مع الوقت خاطر حي مشتاقك روح شباب شريته بالغلا شابك = يكرم عن العشق دامه حي ماذاقك |
ياخواء الصدر وش يعني الخواء = وكيف قلبك في ضلوعك محتوى جرح عشقك لو نزف وين الدماء = والدمى سبة جروح المهتوى ياذكاء العشق في رحلة غباء = والغباء إحساس دون المستوى |
ياضلوعي هجدي قلب يصيح = لايبيح بي مع العالم خفاه الهوا سلمه صريح مع صريح = ماهو إحساس نسي قلبه وراه والمحبه موضع الوضع الصحيح = ماهو شويق يجيه اللي بغاه ياضلوعي لو يصيح ولو يطيح = ماله إلا عشقه اللي قد زهاه مسألة راحه مع إحساس المريح = بين راحة من معي ولا معاه الغلا مكسب نصيح له نصيح = هو بلا قلب تعشم في بلاه |
ماصابني منك شي إن قلت ماصابك = مادام لي خاطر لرضاك صداقك قلب على العز وافي لو تعزوابك = يااطهر من النفس وقتي لحضة عناقك تدري أنا أعشقك من رجلك لأهدابك = لكنك أحرقتني واجحفت بأحراقك ماقلتلي بالجفا وش طول عتابك = وأنت الذي قد بكا في حزة إغراقك مجنونك إن مات موته سبت غيابك = ومجنونك يعيش وصله لحضة إشراقك تعبت عيوني تناضر بيتك وبابك = لدت لعمر الغلا من طعنة فراقك |
أجيك أنا مشتاق وأروح مشتاق = وأعيش لحضاتي أسير إشتياقي أقفي ولك شوق مع النفس حراق = وعلى أمل شوفك يزيد إحتراقي يامغرقي شرع الهوا كله إغراق = وفيك أنت جايزلي غلاك وغراقي كم كان ليلي راحته ضم وعناق = وأروع منه همسة غرام إعتناقي ورغم إشتياق الوصل للوصل تواق = تواق وصلك يرتجيك التلاقي ذكرى غراق بسبة أقدار وفراق = تبقى ويبقى للغلا عشق باقي |
في ذوق ذوقك خافقي قد تذوق = ولاقد سكر في غير ذوقك دقيقه وإنساق لك شوق الحنين يتشوق = شوقه ضنين خابر إنه رفيقه رايق معك ومن الهوا فيك روق = ترويقة الخرمان لن بل ريقه طوق غرامك خافقي ثم طوق = حاظر حياتي والعمر في طريقه شف ذكرياتي حلم وصلك تتوق = توق الأماني حملها من يطيقه |
كم يوم عانيلك غلا وأنتي بعيده كم يوم = وكم يوم نفسي في وصالك ترتجيك وتشتهي وكم هي سنيني بالعمر أحيا وأزيد العمر لوم = لوهي دقيقه خاطري عن حلم وصلك يلتهي يالهفة العاشق غلاه ولهفة الخفاق دوم = فيك القصيد اللي وصف روعة غلا ماينتهي |
تخمني بقعا وأخم القوافي = أحيان صاحيبه وأحيان مجنون همسة غرام وشيبت عقل وافي = حرقة صوابه جرها راعي لحون شمعة غلا لو بيحت كل خافي = هي ذكريات عشقها عشق مضمون عفيه ولو متنا عساها عوافي = من مات عشقه ماستر ثوبه طعون |
على معنى يتغنى فيك حسي لو تغنى = يسطر لك حروفه في بيوت أشواق محبوكه وعلى المغنى يتعنى خاطري لو لك تعنى = يسوق إلك الغلا لو دونه الأبواب مصكوكه مدام إن التمني ماذبح نفس تمنى = ياكيف الناس خلت من أماني الناس أضحوكه أكابر والصبر في داخلي لو ماتأنى = لقيت أشواقي لأشواق أرذل ناس مملوكه |
أجمل الغايه وروعة مطلبي = أحتوي قلب لعشقي يحتوي إن ملكني عشق هذا مكسبي = وإن ملكته روح هو نعم الخوي تقبل بلهفه وأجاوب أرحبي = وأقبل بشوقي تجاوب برتوي ضامية عشقي هلابك أشربي = الهوا يروي ضماه المهتوي |
الغلا مابه تكلف وإصتناع = تعرف اللي يكرهك واللي يبيك ولا خبرت العشق وصل للضياع = غير مع لهو الهوا بهذي وذيك ولا أنا دايم سنيني لك جياع = لا أهتنى عشقي ولاني مهتنيك بحت لك بالعشق وأعلنت إنصياع = خافق لو مافقدته هام فيك مقتنع في كلمتي كل إقتناع = لاتشكك في كلام لي يجيك صاحبي لاتمتحني بالوداع = الوداع أقشر عسى مايهتويك |
يشك خله ليش أنا بالش فيه = ماني وكيل أدم على عيال حوى من الغلا جيته وأنا حيل مغليه = أبرتويه بعشق لو ماتروى والله ماأذكر كلمتي فيه تخطيه = لكن شكه طاوعه ثم هوى لا ياجغيدات الغلا ماكتبتيه = هناك جالك قول ماينتسوى مسموح شره مالحقت بمشاريه = لو إن قلبي من عناه يتكوى والشاهد الله ماقصدت الغلط فيه = لكن باين قدري اللي تخوى |
للغرور أهواء منها ماقمع وللحديث أصداء منها مامنع ليس فعلآ كل مايشدا سمع بات حقآ كل مايضرب جمع حان وقت فيه ماجرم صنع إستفزازت ومغالطات وحكواتي لايجيد رواية الحكايات بدأت هنا كي تستقر في أرق العبارات سحقآ لكل النهايات يكن مالا يكن ويسن مالا يسن وكله من أجل فن ليس من أجل من أأشرع للوداد بجود عشق ويجرح في الصميم فؤادي أناس تدعي بالعشق رفق عليها كيف لايرثو ودادي
إن جمعتك عشق ضيعت التعب = وإن لفيتك روح تملاني جروح هقوة اللي لاتعنا مالعب = كيف في هقواته يشيد صروح ناخت ركابه وليته ماشعب = ركبه اللي واصلك يحيي طموح خطوة اللي لو مشالك ماارتعب = تستوي بكره لغيرك ياشحوح لو مشيت بليل وأفنيت الصعب = كان غيرك لو يجيني ماأروح |
الجيل الأول قالو أسمه عشاشيق = والجيل هذا أقسم إنه عدائي جيل معه عشقه يجي بالتوافيق = وجيل إذا ناديت راعه ندائي جيل الذكاء أحسنت جيل المطافيق = عشقك هباء وخاطرك إهتوائي في وقتنا نفخر بعشق المطاليق = وفي وقتهم عشق العزيز إنطوائي نبذه عن اللي صاير فالمخاليق = وأصل الوثيقه في يدين الروائي |
أمس لغرامك جابني الحب جبرآ = واليوم ضيعت الغلا من دلالك تبي الحقيقه ودي أقول شكرآ = عيت وجاتك جمل الله حالك كذاب من قال الغلا فيه صبرآ = الحال مقفي والغرام متهالك هذا خفوقي وإحتفظ فيه دهرآ = دامه خفوق بغايته لك عنالك ولا أسقه من واهج الشوق جمرآ = دامه قنوع ومقتنع في وصالك ياليت صدرك لي مدا العمر قبرآ = فيه أختمه عمر أحسه حلالك |
الضيقه اللي محرقه خافقي حرق = هذي سبايبها ترا ذكرياتي صاحي ونايم كلها مابه فرق = في علم ولا حلم تحرق حياتي تسرق خيالي عن ملا مجلسي سرق = وأسج معها في زمان الفواتي هم ينشدون بسالفه رايحه شرق = وأنا مغرب ملتهي في لهاتي ياما طرقت بهاجسي شعرها طرق = طرقة بيوت قلتها في صلاتي قدت وعنت خاطر تزرقه زرق = يازرق روح زارقت في وفاتي وغنت قصيدي فالخلا نايح الورق = وعجزت انا ألقى في غناها غناتي المعطي الله والهوى يمه وغرق = منه العوض باللي على الطيب ياتي |
الوداع بعرفهم يعني وداع = قطع وصل وينتهيه اللي يعزه والوداع بخاطري لو هو إنقطاع = كل غصن من المعزه مايهزه جيتلك قاصد غلا حلو الطباع = والهدف طيبك وقدامي أرزه كلمتك جرحي ولا فيها خداع = هي بلا خاطر مع أشواق تحزه دامك أنت اللي تبيها مستطاع = الوداع وباقيك باقي أعزه |
إحتكرتك بالغلا والشوق يعني إحتكرني = مابقى للعمر يوم فيه رجوى وإعتبرتك في حياتي حب صادق وإعتبرني = أي شي في حياتك فيه جدوى وإحتضنتك وسط عيني إحتضني = إحتضني دام أنا ماني ببلوى إإتمرتك ليل عشق وإإتمرني = والعطا مني ولا أبغى منك عطوى يارفيقي أسف أقصد قلبي اللي يحتضرني = لو أموت احسن من إني أتهقوى إغتمرتك حب صادق إغتمرني = ليل موحش وأنت ليلك فيه سلوى |
إن لم تدرك ماهي حاجتك بما تريد فمذا تريد من تاق لوصل لا يسلو عنه ومن سلا عن وصلك فأغفو عنه |
ليس شرطآ أن تصدق كل ماأقول وليس شرطآ أن تصدق بكل ماتقول ولكن سأحتفض بالذكرى إن لم أجد مايغني عنها فلست أحيا لشيئ أدرك أنه لن يأتي وأدرك أن هنالك شيئ حتى وإن عاد لن أكون له بذلك الإنقياد |
أنت أكبر وأنت أطهر وأنت أفهم بالمعاني وأنت عن كل الدواهي بس في عقلك تباهي وأنت سرجوف المشاعر لو تغنى كل شاعر وأنت محد صار زيك لا شبيه ولا حليك بس أنته بالأماني فعلآ إحساسك يعاني ولا أنا كلي صراحه للوفا أبني براحه خافق يشري إنشراحه ماني بداخل بعقلك ماني من اللي ضحكلك ماني مجامل خفوقك لجل ماإني أذوقك يعني بكل الصراحه والصراحه والصراحه ماني براجي مقفي ولا ني بشاري معفي ماأذكر إلا من ذكرني ولا أحضر إلا من حضرني يعني إفهمها ياسيد وضعنا ماهو بجيد كان رحت إلك المعزه بس قلبي ماتهزه من يروح بكيف كيفه مالحقته ربع حيفه |
النهج نهجي والغلا عنواني = وحروفي لساني وحكي شفاهي أزهو بما يزهو ولا يزهاني = زهو زهتبه زهوته للاهي كل يقول إنه رقص شيطاني = من سوء رقصه يعجبه متباهي وأنا أقول إني على قيفاني = في سطر واضح ماوزاه الواهي الحبر دم ينثره شرياني = من قبل أعرفك كاتبه للزاهي واليوم أنته بكتبك وإنساني = ناضر بحرفي وأشرب من الشاهي دامك نسيت إنك معك تلقاني = خلك بزهوة خافقك ياساهي |
لو يقولون العرب بكره تموت = كان ماواصلت لك شخص متجافي ليت عزرائيل في نفسي يفوت = كان واصلته جعل موتي يوافي كان مايفهم مصيبه والسكوت = في سلوم العشق ماباح الخوافي ماسقيت أغلا محبه عرق توت = ولا سقيت أغلا غرامي من سوافي كان حلو العشق قلبك له يشوت = العوافي مايجي غير العوافي دام حرفي شيخ تزهاه البشوت = شيخ يقصد في غلاه أطيب موافي ليتها صدفه تجيني ولا تفوت = صدفة تجمع وفاي بقلب وافي كان أنا أحيابه عمر لجله وأموت = وأعتنق فيه الغرام بلا تجافي |
الله على اللي صافيات معانيه = يرتاح له منهو إشتكى وإلتجابه عز المعاني محتوي في محانيه = يفقد ولو هو بالثواني غيابه الفقر ماهو فقر مال بمخابيه = الفقر فقره طيب طيب الصبابه بعض الغلا جرحه يجي في تواليه = وبعض الغلا ياسعد منهو حيابه حر يتعثر والبلا في خطاويه = وحر يعز بليله اللي سرابه وعمر تسوقه فدوه لعين غاليه = وعمر يعلك والبلا في غيابه ومن لايقدر هيبته عند شاريه = ماهو بلاقي حشمته في عتابه ومن لا يحس بقيمته عند هاويه = لارحم أبو حب مقامه سرابه شخص يتصنع بالغلا لعب يعطيه = وشخص غلاه مبين في صوابه هذي خوافي خافقي والمشاريه = وفي كل بيت من السؤال الإجابه |
رح وتلقا بالغلا لك شخص قدك = واجد اللي يسكنون ويرحلون ماني بميت غلا حدك وحدك = الغلا للي يجون وينتمون لاهي بجزرك وميت فيك مدك = منهكتك أحلام تبنيها بضنون أنت عشقك ماتعدى كف يدك = ولا أنا غلطه رمتني بك عيون كنت أحسبك عشق ماشي يهدك = وأثرك إتشابه غلا اللي يلعبون دام مالك بالعتب لا لا يردك = لو غرامك ضرب من ضرب الجنون لو زهابك عشق ماني مستمدك = بعد كلمه جاتني بين المتون وأنت نفسك عدها للي يعدك = مكسب فالوقت لو غيرك يهون |
باقي بعزك باقيه كل هيبتك = باقي تساوين البشر في عيوني كل الخلايق ماتجي ربع قيمتك = ياواحتي فالحب ياأعظم جنوني |
إن كان ودك تعرف إحساس مغليك = حده على أقصى خاطره في كلامك تعرف بعدها وشهو شعور غاليك = وتعرف بعد وشهو بقلبه مقامك |
| الساعة الآن 01:14 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir