|
مساءات السعاده والهنا
عليكم الجميع وصحت السنتكم مدد بلا عدد وربي يسعد الغوالي على التسالي والضيافه الطيبه . . . تسليه مسائيه عساها ترتقي لذائقتكم الراقيه . . غيبتك والمنافي والزمان البخيل جرّدن أمنياتي / وأحجرنّ الغمام ,, وأذبل العمر واصبح من رحيلك هزيل والضلوع الرهيفه من وهنهن زحام ,, شفْ ملامح دروبي ،، باهتات الدليل كلّ ما سقت عمري .. فيه تاه المرام ,, ما يهيْض المشاعر كود قلبٍ عليل وما يفيْض المحاجر كود كثر الملام ,, من خذلني وصالك .. صرت عابر سبيل لا وطن .. لا مواني .. والمشاعر صيام ,, ولا ذخرت لجروحي غير دمعٍ جليل جعْله يْـخفف اللي / بالضماير ركام ,, قِصْرت أيام حلمي بعد صبرٍ طويل ذنْبها ذنب حبٍ / > خطوتينه يتام ,, ايه تهت وقصيدي صار عقبك ذليل وأنت خابر زمانه ،، كان طاغي هيام ,, منهو ينبض خفوقه عقب عزف الخليل ومنهو يضوي سنينه عقب سدْل الظلام ,, ضاق ذرعي ووصلك / يمنحه سلسبيل ودي معْـك آتهنى / بسْ واعيشك غرام ,, قبل لا يشيب حبي في شبابه وأميل وقبل تهجر غصوني باقيات الحمام ,, أعتق أشواق قلبٍ ،، من غيابك عليل وأحضن ايّام عشنا ،، فيها برد وسلام |
اهلا بالجميع وصحت السنتكم وابدانكم
مديرنا الغالي ما فهمنا وش تعني او بالاصح ما شفنا شي مما عنيت اووووووووف اووووووف ترا مافيه مانع لبس نظارات القراءه هههههههههههههههههههه ــــــــــــــــــــــــــــــــــــــــــــــــــ ــــــــــــــــــــ للعاصفيات التسالي تهاوى=على السجن من هاجسٍ حيل طربان من نضم من صدره ذيابه تعاوى=طوىً لمن له كل معلوق ولهان ليا قلت كن القلب عقبه تشاوى=سجه /لو انه ماحواليه نسيان عزام في دربه بقافه تساوى=ومن غير قصد الجرح له صار نيشان ومن راعبية نجد وجده تقاوى=على عليلٍ مخلجٍ له من ازمان وسمع سجين وبعد ياسه تراوى=له/انه كوكبه تو ما بان ورثع ومع رغبات قلبه تخاوي=يسوغه له طيف مدعوج الاعيان وتنقضت به علةٍ ما إتداوى=في وسط جوفه مزمنه شانها شان |
حياك الله يالهواوي
من غير شر اليوم ماشفناك تعودنا وجودك ياشاعرنا نطرب لحروفك ونبحر في اجواءها وجمالها ويسعد شعراءنا وكل شاعراتنا على كل حرف وكلمه تم بثها وامتاعنا بها وياحي الله الشاعر محمد الفراج حييت من بعد غيبه نورت الشبكه الشاعر محمد العواد عسى ماشر الغطه وين العرب الرتيق ابو مشعل اليومين اخلصو وينك ياخوي شوفو الشاعر غشام ماشاء الله امس هو والشاعر سجين سوولهم احلى محاوره وقلطه نبيكم تفلونها واتفرحونا بجمعتكم وكلامكم الطيب والكل منورين لاخلا ولاعدم . . . ولكم مني هالتسليه الطيبه . . . صمت الغلا يجرح ولوكان بسكات .....حتى غصون الحب يقطف ثمرهـا صمت الغلا في داخلي يكتب أبيات .....عيت قوافي الشعر تعرف بحرهـا ماهي قصيده تشتكي نزف اهـات ......ثوره مشاعر ما تحمـل خطرهـا ياصمت لاتشعل خفوقي بكلمات .....تفضحني اعيوني بلمحـة بصرهـا مشاعري مابين روحـه وجيـات .....واحترت كيف اني أجي وأختصرها أصدق كلام الحب لاصار دمعـات .....واصدق دموع الحب لحظة سهرها مابين لوعات الامل ..عشت لوعات .....أصبح وأمسي عايشن وأنتظرهـا فوضة مشاعر من جميع أتجاهـات .....بس أنهاعربـون حـب أعتبرهـا أخاف أنـي لا عملـت الاشعـات ....يلقون حزني واضح(ن)في صورها الصمت أبلغ من جميـع العبـارات ....بس العيون أحيان يفضح نظرهـا |
اقتباس:
صح بدنك شاعرنا وصح لساانك وتسلم على هـ الغيمه الممطرهـ والقافيه الممتعه دام حضور المبدعين,’’ |
صحت السنة الجميع على هـ الرواائع
وصحت ابدانهم ومساءكم سعيد,’’ |
https://saaid.net/female/img/f-hy-4.gif سلّوا سجينات سجن القاف=جودوا لغزلان والمهره بنات واحساسهن شفاف=من سجنهن بتّ منقهره مْن الورد جيبوا لهن اصناف=ومْن الشّعر كوّنوا سهره |
تسليه,, مستودع الصدر قفله ضاع مفتاحه=بتموت واموت مافتْحَت صناديقه وان جاك قاف الغلا يومي بمسباحه=لاتحْسب الشّعْر سلّتني طواريقه على بساط الغموض وُ في سماا الساحه=خذيت مع نخبة الشعار تحليقه وغنيت فالجو لو مانيب مرتاحه= بعيد عن سطح الَــ .ارْض وعن مخاليقه أرسم بنسج الخيال وروعته واحه= في داخل القلب،تسقيها معاليقه |
وين الناس؟
الليله مافيه احد:smile: |
| الساعة الآن 04:42 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir