سجين الرواسي شيل عفشك ولهلك روح=نبا ننبسط كم يوم مع ماجد رتيق
نبا نستمع للشاعر الملهم الممدوح=تغني حمام الورق مع قافه الشيق
يسجع بالهديل ليا استمع له يكب النوح=ليا شاف من لاهو بدبه ولا دقيِّق
منتوقة عنق عفراء تشوح المشاعر شوح= شوح الريح لاهبت على المسبل الريِّق
تتل بدلعها مهجة المغرم المجروح=ليا شافها تمشي بفستانها الضيِّق
عليها رزين العقل فيما خفى يبوح=ايقيس على مشفا المجانين وايويق

شب نارك واذبح الهرفي وبهر دله=وعود مع تمر الخلاص وكب قوم الشاهي
طهبلات المهره وشيخه ما اباها ل له=سلم ربات الحسن ما يستوي ل اشباهي
دونك الجاعد ومركاك وجبينك فله=بين الآمر من طواري حضرتك والناهي
خل جيش الشعر ياماجد يجي له شله=شد به بال الكسول المنسدح والساهي
ان طرت لك غادةٍ تلفح بقذله هله=عودها ريان مربوعه وياهي ياهي
خشمها سلة مهند من جفيره سله=ومن رموش عيونها الخدَّر زبنت إلاهي
والنبا بلسم جروح وسامعه ما مله=من تحاكي يفتح افمه طول ليله فاهي

ليا صرت ما ودك بما ودني به=وما اشفق عليه اصبحت له ما انت شفقان
ومابيننا ماصار له معك هيبه=وانت المصيب وصرت انا معك غلطان
وتبين ان القطيعه قريبه=ان رحت والا جيت يالترف سيان

ابا اكتب على الجدران لجل السجين ان جا=مايلقى عليها حيِّزٍ ياخذ كتابه
اشوف الكتابه فوقها للعليل ارجا=زعيم الهموم لشوفها يرمي بكابه
يامن شوفته تسدني من رمق واهجا=وجبه ملحها من لول فمه وعنابه
ترا الهجر ياترف القدم ضبعةٍ عرجا=على ريحها صدر الشقا تعوي ذيابه