طراة نفسي يابو عبيد مرهونه=بسهيل والطير وأرضٍ مقبلٍ خيره
نبي على شوف برق الوسم ومزونه=ناخذ على البر بالنيسان تشقيره
مع فجٍّ قفرٍ يحول البعد من دونه=ياخذْك عن دوشة الازعاج والديره

حان الوداع ووادع القلب غاليه=أقفى يقول انه على البعد مجبور
ويقول لو غيرك من الناس مابيه=انا على الفرقا مسيّر ومامور
قلت اطلب الله لك من اليوم وادعيه=يستر عليك ويجعلك دوم مسرور

لا تبخل بيمناك يا شفت محتاج=انصح اليا شفته بحاجة نصيحه
والنصح قدام الاوادم به احراج=اعلان مضمون النصيحه فضيحه
من غير رب الكون لاترجي افراج=واللي حَسَدْك اطلب من الله يبيحه
ثنتين ما ينفع بهن طب وعلاج=دبرة قليل العرف ويمنىً شحيحه
بعض البشر في جيّته فلّة حجاج=وجهٍ مثل شروا الوجيه الفليحه
وبعض البشر ياجاك سببّ لك ازعاج=ودّك على فرقاه تذبح ذبيحه
ما تلام لو بدّلت حايل بالافلاج=وغيرت عنوانك ورقم الشريحه

ابشر وهذا الطلب يالقرم ياهونه= لكن خذلك بسجن القاف تصفيره
سبعين ساعه ونيف فيه مضمونه=نبي نسولف ولا يدرى وش الخيره
ارفع عقيرتك بالقيفان بركونه=ليا طرن لك نهاد وهند ومنيره
وليا سلمنا من الفراج وجنونه=ومن شيخة الغيد والطير ومحاذيره
باقي العرب يا نديم اجواد مامونه=لو كهرب السجن يطفي ما ترا ذيره