وين انت ياللي ما تمنيت غيرك=الا المنام اللي عقب غيبتك غاب وين انت يدفعني ضماي لغديرك=عندي على غيابك مشاريه وعتاب ليتك تشوف اليوم حالة عشيرك=اللي معك يتعب على بذل الاسباب متى مصيري يرتبط في مصيرك = متى تلمّ اقدارنا شمل الاحباب تجيب نسمات المحبّه عبيرك=بالليل يا هبت من ديار الاجناب انا سجينك يا حبيبي واسيرك=سجني مؤبد والرجا بطلعتي خاب وفي كل حالاتك بشرّك وخيرك=اهدي لك حروف المحبه والاعجاب نديم القوافي |
الشعر من غزْل المشاعر يخيطه=من كان في تفصيل الابيات خياط ما يقطع بحور القصيد و محيطه=كود الذي في قوة ابيوته افراط شعرٍ شروكه بالمعاني غويطه=ما مات لو عصره قبل عصر الانباط من ضاق و ضغوط المشاعر تحيطه=يرتاح يا عدا كبر طلعة الغاط في مرقبٍ يبعد شقاه و يميطه=يشتاق له من شاف بأيامه احباط سجتك مع جرد السهال البسيطه=اخير من جلستْك بازعاج و غلاط نزّه جنابك عن جناب السقيطه=واتعب على اللي بخوته دوم تحتاط يا احتجت يصفط لك بروحه صفيطه=مسطور طيب وبالمواجيب يشتاط دنياك مع سمح السجايا عبيطه=ما هاط شي من اخبث الناس ينهاط بصدوفها يا عونة الله سليطه=توجع وهي ما تضرب الخلق بأسواط منها فطين القلب يحتاط حيطه=من يدرك ان ايام دنياه شعواط بين الشتاء و الصيف تطوي شريطه=تفرنا و تبدّل اشواط باشواط و اليوم ما معنا نفوسٍ نشيطه=لا بدّ للقرناس من ربط و رباط ما عاد باقي غير طيّ الخريطه=اليوم عقب ايام نيسان و شباط يما طلوع سهيل يعتق ربيطه=ونصبح بعد راحه مشافيق ونشاط نديم القوافي محمد العواد |
مساء الابداع والتميز ..
منور السجن يالعواد ومبروك خروج محمد الفراج .. |
ارحبي يا رحيل
الله يباركـ فيكـ وعقبال ما تدخلين السجن هههههههه |
عسى الله يجيب اللي يصب أوله وأتلاه
سحابٍ من المنشا تسبّح ملايكته سنا برق نوّه لا لمع من جهة منشاه تفاجا به الأرصاد ماهي بمدركته |
البقى ي محمد الفراج
فالك ماقبلناه ههههههههه واصلا انا اخذت قسمي خلاص (: |
هههههههههههههههههههههـ
|
الله يمسي الجميع بالخيرات العيال والبنات
ياوجدي لبعض حلوق من كثرة الترحيب=منبحه حلاو الفقس ماعاد ينفعها وانا انصح لمن ذي حالته من حسين ايجيب=لبان وربع مره جديده وينقعها ليا صار النظر ماله بما يعترض نصيب=عينك غضها عن ملعب الغيد وامنعها وانا يا نزيل السجن متخصص وطبيب=لكن صابني شيٍ ما اعرفه من اتلعها زولٍ يامحمد شفته بمنظرٍ عجيب=سباع الرجال بغمزة العين يسبعها تورطت مع هالشخص في موقفٍ رهيب=نفت عرفها لي بس بالقلب طابعها وانا خابرٍ للقلب تخمين ما يخيب=تكلم بهمس ازريت بالسوق لا اسمعها وعلى رغم كثر الناس حاولت اجي قريب=واكبداه يوم اني فطنت لمدامعها خافت من عيون اصحابها فيِّ تستريب=وقفَّت ومعها اقفت عيوني اتابعها وعودت الاع الورق ماجابت إله اجيب=واكفكف بعيني دمعة الوجد واردعها خايف ينتبه لي شامتٍ مرتدي نصيب=علومٍ مضت لي يمكن انه مسنعها |
الساعة الآن 04:12 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir