تسليه ع الطآير



كل العيون تطيح من عيني الا انت
اليا ذكرتك هزني طاري الشوق

وين انت ياللي عالمشاعر تسلطنت
واشغلتني عن كل كائن ومخلوق

من قبل اعرفك ماعرف وين انا كنت
ولا كنت اعرف ان الهوى قمة العوق

محتاج لك لو تسمح شوي لاهنت
مليت المح لك من الضيق مخنوق

مليت اسولف لك عن تجافيك وايقنت
ان الزمن لا حس عنده ولا ذوق

رابع سنة مرت وللحين مابنت
لا ديمتك ديمه ولا بروقك بروق

ضاع العمر ياللي بروحي تمكنت
وانا اردد كل مطرود ملحوق

ان كان ردت للمراسيل هونت
لان المراسيل انتهت مالها سوق

وان كان ردت للامل خير عينت !!
ان اشهد اني جيت للقاع من فوق

البارحة لا زان حظي ولا زنت
كن الحزن طوق على ناظري طوق

وين انت ياللي في عذابي تفننت
بهديك بيت ماعلى غيرك يلوق

بهديك بيت كم سنة فيه هيجنت
بيت يساوي ألف معنى وطاروق

ليت الخلايق تنقلب كلها انت
واصير اشوفك كل ما شفت مخلوق

من خلقتي وانا سجين القوافي=ومازلت خلف أسوار الابيات مسجون
بيني وبين ظروف وقتي اخلافي=مديون لو ماني لمخلوق مديون
يا حبني لاهل القلوب النظافي=عز الرفيق وعون يا احتاج للعون
وللحل يالعود البشوش السنافي=يذكر ولا كنه من العام مدفون
يدفعني الهاجس لبوح الخوافي=واكتب وابيّح كل خافي ومكنون
ولا ادري ان ايام عمري مقافي=وضحك الزمن ما دام حتى لفرعون

يالعبد لا تبدي على الناس سدّك=للسر برمج كلمة السر برموز
الحاجه اللي للمهونه تحدّك=تنعاف لو بين على حالك العوز
والحظ لوهو دايم الدوم ضدّك=اصعد على سلّم هزيمتْك للفوز

المشاركة الأصلية كتبت بواسطة محمد العواد (المشاركة 437081) مدري وش اللي صار بيني وبينك=بس الوكاد اني تعلقت بك حيل حتى ولو ما جات عيني بعينك=قلبي معك من يصبح الصبح لليل وينك انا محتاج عطفك ولينك=جيتك عقب ما شفت من بُعدك الويل نديم القوافي

راس مال الحب بحسابك يزيد=باختلاس بنوك حبك مجرمه
ما دفعني للكتابه والقصيد=غير حبك يالهنوف المغرمه
المواصل حتى لو كنتي بعيد=من سموّك للمواطن مكرمه